【繼續傳】今次係摩納哥左翼湯馬士利馬

利永遠不會毒行 於 19/06/2017 發表 收藏文章
利物浦係轉會市場又有新傳聞!據報,利物浦將會加入爭奪摩納哥嘅21歲左翼湯馬士利馬戰團。又要講果句,好野當然有人爭,英超嘅阿仙奴、熱刺,以及意甲嘅祖雲達斯都被利馬嘅才華吸引,紛紛表示對佢有意思喎。
咁摩納哥嘅翼穆罕默德沙拿同埋阿仙奴嘅張柏倫好明顯就係利物浦嘅首選,但當然啦,呢個世界有好多野一日未簽實都唔好有定案(你懂的)。跟據Telefoot嘅報導,高普對利馬表示有興趣,認為佢可以加強利物浦嘅攻力。
21歲嘅法國球員利馬係岩岩過去嘅一季為摩納哥上陣55場,入左14球波以及17次助功,數據上面係唔錯,2016年更首次為法國國家隊上陣。170cm高又瘦瘦削削嘅佢雖然好似無咩身位,但勝在靈活度高,而佢係法甲摩納哥同基利安洛天 part住上,係一對非常威脅嘅進攻孖寶。利馬係控波、速度同埋創造力上面都非常優秀,所以摩納哥放唔放人都係問題。如果利物浦俾唔到一個正選位佢,小妹諗,呢單野都幾難成事。留意返2015年利馬以£3.5m身價由康城加盟摩納哥,而家transfermarkt.com佢而家身價係€24m,即係約£21m,嘩,真係升值到呢…
https://www.youtube.com/watch?v=5DjavLyAN1k睇球皇片就覺得佢係有sense嘅,不過仲係有啲年少氣盛,某啲位可以揀傳波或者自己爆佢會一定會選擇爆落去。咁當然要戴返個頭盔先,呢個由轉自Telefoot嘅傳聞黎。

但利物浦而家好似差唔多簽到羅馬邊鋒沙拿啦,據知轉會費高達£40m,呢單野竟然係由佢一位叫Mohamed Ali嘅朋友爆響口,係Facebook出post話恭喜佢喎。預計佢會同文尼同費明奴組成呢條進攻線。同時,可以將古天奴放返後少少,俾佢同拉蘭去做加強中場個創造力。 不過咁,中場防守就會…好似差左啲啵。高普我個防中呢⋯
防守球員除左雲迪克同埋千呼萬喚嘅基達之外(小妹好驚會撻Q),似乎就無咩消息啦。但攻呢,就繼續傳有士砵亭嘅謝臣馬田斯,拜仁嘅杜格拉斯哥斯達同埋拉素嘅基達巴爾迪迪奧。唔知有無人同小妹一樣,都期待緊高普買防守球員呢?定係高普新戰術,出11個進攻球員,攻呀攻快搶攻,射呀射射他吧~

source:thisisanfield


如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→