【細心的領隊】如果高普係女人,一定唔會有婆媳糾紛

利永遠不會毒行 於 06/09/2016 發表 收藏文章
高普呢排都真係多新聞,先有人懷疑佢岩唔岩教利物浦,再有巴神經理人鬧佢唔公平,a piece of 屎。對於以上既指控,小妹覺得係抹黑,一定係,除非唔係。

巴神既新聞大家都睇到厭相信, 今次想講下高普。

一講高普,相信大家都會話佢熱血,好親民。無錯,熱血既形象好容易觸動球迷既心。但身為一個領隊,剩係得到球迷既支持係唔夠架,老細既認同都好重要。英超呢個聯賽對金錢既睇重,加上利物浦班主係美國人,美國人出名係咩?講錢唔講心呀。

不過啦,班美國佬都好信任高普既,點解?因為佢知慳識儉囉。高普係岩岩既轉會市場,係買人同賣人同借人之後,仍然賺到一千七百五十萬英鎊既利潤。而我地睇返佢買返既人,小妹認為大部分表現都唔錯-文尼呀、馬迪普、卡拉雲等等,除左韋拿度姆因為要轉型所以暫時未交出符合佢身價既表現(俾啲時間佢),咁就足以證明高普既眼光唔錯。
高普係一個著重發展既領隊,佢好重視每一個球員無論係心理或者生理上面。岩岩就有國際賽,高普會要求每一位球員踢完國家隊之後send個whatsapp或者send個message話佢知佢地感覺如何。如果輸波,會唔會唔開心或者唔甘心?如果嬴波,會唔會太過亢奮呢?留意返,佢地係直接send俾高普,咁小妹有兩個睇法啦,好果方面就係可以直接溝通,個親切感大啲;而唔好果方面呢就係,如果球員要講啲唔岩高普聽既野,直接對話可能會有負擔,不過應該前者機會大好多。 除左高普之外,球員亦都要向軍醫講返佢地每場波之後既身體狀況。

因為打國家隊無可否認會消左啲體力,同時有受傷既機會。有啲球員會為左球會聯賽既狀態而hea踢國家隊;相反,亦有一啲球員,好似尼馬,為左巴西,為左個金牌,佢係奧運係有出力去踢架,而踢完奧運再去國際賽!遲左9日先歸隊,咁樣無疑係會對球會有一定既影響。

一個好既領隊要平均球員去國際賽前後既心理,一個好既領隊要平衡球員出席國際賽前後既心理,舉個例如果佢好想國家隊贏,就會放100%力去踢,高普係要知道呢啲資料先夠數據去計算國際賽後果場比賽既陣容。利物浦正選岩岩去左踢國際賽既有:文尼,拉蘭拿,軒達臣,史杜列治,韋拿度姆,奧力治,古天奴。
文尼係代表塞內加爾既比賽當中懷疑傷到舊膝患,不過有驚無險,好彩經過檢查之後無咩大礙。嗯,咁下場對李斯特城,係要計下數既。

雖然,好多人都唔認同高普既德式-密集而又intense,簡稱chur既訓練,覺得呢個係導致利記傷兵既主要問題。但從高普對球員既細心,可以見到佢係有評估球員既狀態同受傷風險先作出排陣。俾多啲時間高普啦,我地會見到成果。而家利記係係一個重建階段,球迷要有耐性。

打完成篇野,點解小妹覺得高普好似係一個奶奶同老公同小朋友都好鐘意既老婆/新抱/媽媽。因為佢持家有道,老公(即係老細)最鐘意,而且佢又錫又照顧啲細路(即係球員),而球迷(即係奶奶)又好鐘意佢熱血,咁完美既人係邊度搵呀,利物浦要好好珍惜了。


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Yat Hei Kong
    Yat Hei Kong 於 06/09/2016 評論 NO. 1

    優點就係呢啲 但係缺點都很明顯 就係戰術 太單一 球隊狀態唔穩定 好多時候 贏強隊 輸弱隊

  • Leroy Tsang
    Leroy Tsang 於 06/09/2016 評論 NO. 2

    呀.......持家係有道既......到以家聯賽先贏到一場
    佢成功地帶領對家球迷賺唔少呀

  • Wing Wai Chan
    Wing Wai Chan 於 06/09/2016 評論 NO. 3

    買餸仲識揀海鮮添,難為了家嫂👍

  • Tony Chu
    Tony Chu 於 06/09/2016 評論 NO. 4

    係我讀過嘅足球評論文章之中,最不倫不類的比喻

  • Louie  Lee
    Louie Lee 於 07/09/2016 評論 NO. 5

    咁可唔可以講下佢同佢老公 (即係老細) 床上d 狀況如何???

  • Chris Fan
    Chris Fan 於 07/09/2016 評論 NO. 6

    利物浦既問題要從結構上解決先得

快捷鍵:←
快捷鍵:→