【留低/走人?】謝拉特:「盧卡斯一定係班後生嘅好榜樣!」

利永遠不會毒行 於 17/05/2017 發表 收藏文章
盧卡斯最近成為搶手貨,布萊頓係上星期就被報導對呢位巴西球員有興趣,認為盧卡斯可以幫到佢地係未來係英超嘅賽事。除左升班馬布萊頓想買佢之外,仲有前利物浦領隊賓羅渣士執教嘅些路迪。

布萊頓領隊Chris Hugton相信係夏季轉會市場買一啲有經驗及質素嘅球員可以令到球隊更快適應英超嘅節奏。而呢位利物浦老將(算唔算老呢…30歲)就fit晒啦!但係跟據Daily Record嘅消息,除左布萊頓之外,羅渣士都想加入呢個爭奪戰入面。

「羅渣士係度審視緊各地聯賽嘅球員,希望來季可以令到球隊有一啲新鮮嘅面孔加入些路迪。」
盧卡斯2007年賓尼迪斯年代加盟利物浦,咁就10年,人生有幾多個10年呀!而家佢同利物浦嘅合約就會係2017年6月30日完,即係自由身咁話啦喎~咁當然啦,盧卡斯自己嘅意願都好重要,最後走定留,咁就要睇下佢係完季後同高普開會開成點啦。

係羅渣士時代,盧卡斯為利物浦上陣98次,平均每場上陣72分鐘,都算係正選人物呀。講到好似好被重用咁,但係羅渣士都多次想賣走佢,而係2015/16果季,仲差啲借左佢去土耳其超級聯賽嘅比錫達斯。正所謂只要好波,踢過邊都唔緊要-羅渣士當年2012年係利物浦都曾由前執教過嘅史雲斯簽祖亞倫返黎,佢更係上年暑假,佢更加簽左自由身嘅高路托利由利物浦去些路迪!
留意返,些路迪都有吸引力架,點解?蘇超冠軍,有歐聯踢喎!唔係話利物浦無機會,只係仲未肯定姐。而布萊頓就唔洗講啦,但小妹並無歧視成份,踢升班馬,令到佢地繼續留係英超,一個唔小心過多季拎埋冠軍(李斯特城咁),都唔錯呀,果份挑戰性唔係間間球會搵到架!

而謝拉特,同盧卡斯一齊係利物浦踢左八年波,聽到有球隊對佢有興趣後,佢就咁話:

「係我職業生涯入面,盧卡斯係其中一個最好嘅球員。無論係球場上定係球場外,佢都擔當緊一個好重要嘅角式。」

「所以利物浦點都會留返一個位置俾佢,無論佢最後決定走定留。但在我而言,我當然想佢留低,繼續效力利物浦。」

岩岩成為青年軍領隊嘅謝仔更加話:「我相信盧卡斯一定係班後生最好嘅榜樣!」

係感性角度睇,盧卡斯又真係幾忠心聽話,踢左十年,係佢30歲嘅時候賣走佢,又真係有啲…唔係咁捨得。再講,盧卡斯去到些路迪係咪真係可以踢到正選都係未知知數;但理性角度睇,佢而家拎住£80,000週薪,無錯有時佢真係會俾到驚喜大家,又有經驗,但身為防中/中堅表現唔算穩定,見到有佢嘅陣容都預備定平安鐘先。話就話利物浦元老,除非新合約可以減人工,如果唔係keep佢係度都唔太符合經濟原則喎…


source:espnfc

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Deelee
    Deelee 於 18/05/2017 評論 NO. 1

    踢返防中幾好wo

快捷鍵:←
快捷鍵:→