【法賓奴有得踢未呀】利物浦聯賽盃硬撼車路士

利永遠不會毒行 於 26/09/2018 發表 收藏文章
過完個中秋節,大家準備好迎接魔鬼賽程未呢?事關由今個星期開始,利物浦之後既比賽可以話係好戲連場,雖然今季紅軍開左個唔錯既頭,仲運贏左七場比賽,但係如果球隊頂唔住呢轉魔鬼賽程既話,高普都應該會好煩惱,因為最壞既情況會係影響晒咁多條戰線。高普對於咁既安排亦都感覺到不滿,講返今個星期,利物浦首先要兩次對車路士,下星期仲要對拿玻里同埋曼城,呢兩星期既賽程,可以話係真正考慮利物浦陣容深度既考驗。
高普係賽前既發佈會上面就表達左自己到英格蘭足總既不滿,高普話:「聯賽盃﹑足總盃﹑歐冠盃,一連串既比賽安排得咁緊密,英格蘭足總肯定希望無一支英超球隊可以晉級繼續比賽,因為要應付咁密集既賽程係無可能既。我宜家可以肯定既係米奴列會正選,至於其他既球員我仍然需要考慮一下,之後會再作安排。但我會排出一套好好既正選陣容去迎戰車路士。」小編就認為高普既意思係只會作出部份輪換,因為呢個盃賽對於利物浦黎講都好重要。
另外高普亦都俾左頂高帽車路士既領隊薩利戴,高普話車路士係短時間之內產生左好大既變化,踢波風格都已經完全唔同。薩利係一個好出色既教練,從佢帶領拿玻里既時候我就已經係佢既粉絲,我好中意佢既足球哲學。就算佢地唔用夏薩特,佢地陣中仲有簡迪同基奧特,車路士今季開季既成績大家有目共睹,所以我都好尊敬佢地。大家都只係一路談論曼城而忘記左車路士,佢地當中八成球員都贏過兩次英超冠軍,所以實力不容忽視。
講返今場比賽,法賓奴有無機會上陣,相信所有利物浦球迷都好關心。高普就再一次表示佢會俾足夠既時間巴西人去適應英超既比賽風格,傳媒就估計呢段時間有可能長達半個賽季。法賓奴今年夏天由法甲球會摩納哥轉投利物浦,當時轉會費高達3900萬英鎊,但佢至今只係代表紅軍上陣過一次,就係上週歐冠盃對陣巴黎時尾段的後備入替。高普仍然認為呢位巴西球員會成為紅軍既重要拼圖之一,佢係聯賽盃既賽場發佈會都有解答關於法賓奴既問題,高普話:「佢同其他球員一樣無任何分別,呢件事並唔複雜,佢只係需要更多時間去熟悉位置上﹑球風上既分別。」小編就睇黎法賓奴未完全適應到利物浦既球風,呢個亦都係佢暫時未有機會正選既原因。
既然係咁,今晚既比賽高普好有用上可能基達﹑軒達臣同埋米拿既組合,至於法賓奴就有可能出現係後備席獲得半場入替既機會。值得一提既係米奴列會再次出現係比賽名單,而前鋒線上史杜列治同埋蘇蘭基對住舊東家會唔會有突出既表現亦都好值得留意。呢兩場大戰,真係錯過一場都不能少呀,希望利物浦可以成功捱過呢段魔鬼賽程啦。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→