【教波7年之癢?】加歷查:高普/雲迪克只能活一個,我揀...

利永遠不會毒行 於 03/06/2019 發表 收藏文章
前利物浦中堅﹑名宿加歷查現為skysports講波佬,歐聯呢場波,佢當然係現場睇啦。睇到愛隊拎到第6次歐聯冠軍,佢開心到爆呀!而佢好欣賞高普,更指佢係利物浦最重要一員!
加歷查表示球會應該盡快同高普加簽長約,表達利物浦對佢嘅認同,因為馬德里之夜後,高普已經成為咗利物浦一個靈魂人物。
「我認為高普係球會嘅number one。無錯佢係一名領隊,但我嘅意思係,佢同時係球會嘅一個重要人物。如果你問我,如果高普同雲迪克是但一個要離開利物浦-喺高普同雲迪克之間2揀1,我會揀雲迪克走,高普留低,因為佢實在太特別啦。」
「我唔清楚佢嘅合約詳情,但提供一份新合約俾佢 ,佢會更加有動力去教波。佢失落多次歐聯冠軍,今季首次贏得呢項錦標,感覺一定如釋重負。」

「而我希望,對高普同埋一班現役球員黎講,呢一個勝利唔會只得一次。」
「睇返歷史,高普多數會喺同一隊球隊執教7年。而2022年,當高普同利物浦合約完結果陣就岩岩好係7年。利物浦不如嘗試將呢個7年定論改做17年啦~」

「利物浦嘅下一步應該繼續努力備戰下季英超以及歐聯,英超對利物浦黎講當然好重要啦(你懂的),而曼城係一個好強大嘅對手,其實都唔易踢。」
「利物浦而家呢個陣容非常好,佢哋將會繼續留係歐聯頂尖聯賽度,以及要面對英超嘅賽事。而對曼城呢個勁敵。」

而之前並有報導指FSG都想為高普提供一份新合約,現時高普每年喺利物浦獲得嘅收入約€7m,而西班牙傳媒 ​Marca指出,FSG準備以加人工至€11m一年去吸引高普簽新約,利物浦希望高普可以執教利物浦多於10年,成為球隊其中一個傳奇領隊。

大家都想佢留低,唔知高普自己點諗呢?
星期日嘅利市巴士巡遊有多達五十萬名球迷參與,而高普亦對呢個人數感到震驚以及感動。

「真係好難以致信。」

「如果你係一個利市後生仔,你會支持邊一隊?除咗利物浦之外,佢應該都無咩選擇架啦。你哋有眼睇,(個巡遊)幾熱鬧。」
咪係囉,利市市民﹑球員﹑FSG都咁鐘意你,個個都想高普留低,但高普會唔會打破自己只教一隊7年嘅定論,留係利物浦呢?

SOURCE: SKYSPORTS, 90min, 101 great goalsmarca

留言


請按此登錄後留言。未成為會員? 立即註冊
    快捷鍵:←
    快捷鍵:→