【小心炒車】阿歷山大阿諾與大肚粉絲展開性的對話 !?

利永遠不會毒行 於 31/10/2018 發表 收藏文章
人紅就自己多事非,呢個定律永遠都唔會變。啱啱被軒達臣稱讚為擁有世界級嘅足球態度,係一名有前途嘅球員,最近就被指係社交媒體flirt女flirt出禍!? 等等先,唔好跟車太貼,睇下發生緊咩事先!

最近就有位大肚粉絲Nicole Heaton爆料,話利物浦右閘球員阿歷山大阿諾對自己講一啲 "disgusting"嘅說話!事源就係有呢名大肚女士喺instagram inbox 阿諾,希望佢錄一段影片去祝賀佢老公父親節快樂。
之後阿諾就問呢名女士有無snapchat。喺得到snapchat之後,呢位女士就選擇性地將以下對話截圖:
(小妹就唔翻譯啦,大家自己睇啦。如果係真嘅話,真係可以構成性騷擾架...)

呢件事係真定係假呢?身為香港人,由細到大都聽慣網上嘅野唔可以盡信,所以小妹都搵咗啲分析:

1. instagram張圖嘅真偽

instagram嘅inbox圖都有2個疑點-首先,如果inbox一個人,個名上面都會有圖,而唔係剩係得個名。
而且,當對方睇咗你訊息之後,都會有個seen嘅標記,但係呢名女士嘅截圖上,呢2樣野都見唔到。
(唔知係咪version問題,如果係請更正。)


2. Snapchat 張圖嘅真偽

twitter用戶 @Gemmaleigh_就睇到呢名女士嘅截圖有改圖之嫌,特別喺阿諾個名嘅邊位起格加上顏色唔同。


而且reddit巴打指出,阿諾半年前個snapchat score 已經150,000+,而呢位the kid就只有50,000 分,睇怕就似係開咗無耐嘅新acc。

當然啦,小妹未知呢件事嘅來龍去脈,阿諾會唔會喺上緊位嘅時間做呢啲自尋滅亡嘅事呢?事主話佢本身無諗住爆大獲,不過見到阿諾參與Pride Of Britain Awards果陣,佢認為要警剔一下其他人。嗱!如果件事係真,佢本身無打算咁做,但儲埋啲相過咗成半年先拎返出黎講又有咩企圖呢?

事主而家亦lock咗自己嘅twitter,del咗個爆料post。利物浦方面亦未有回應,暫時疑點歸於被告,我哋都係唔好跟車太貼,以免炒車呀。

SOURCE: CAUGHTOFFSIDE, Reddit

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→