係岩岩嘅主場0：0打和修咸頓嘅比賽上，利物浦係下半場65分鐘搏得十二碼，由占士米拿主射。之不過呢球射門就俾科士打捉到路而撲出。唉，其實係呢球之前，佢今季嘅十二碼嘅命中率係7 射7中，今場亦係第一球錯失入球機會。
占士米拿就係賽後同記者講：
「我做左我想做嘅野，但好明顯係唔夠好。」
「科士打係一個優秀嘅龍門。」
「除左雙手合十去同隊球道歉之外，我都唔知仲可以做咩。」
「修咸頓係一隊非常之堅強嘅球隊，要贏佢地係有難度。而今日球場亦有啲痴腳（sticky），我地嘅速度亦因為咁而慢左。」
「我地無預期中踢得咁好，我地係應該為呢件事負責任。」
「係賽事入面，我地明白邊啲應該做嘅做左，邊啲未做。但係十二碼呢一個黃金機會，我浪費左，今日拎唔到三分都係我嘅責任、我嘅錯。」
「剩低兩場比賽，我地要贏晒佢。」
咁其實球迷都明白，十二碼呢家野真係50/50，係有相確嘅餘地，唔可以太怪責佢嘅（雖然佢佢動作係大左少少）。
睇返場波先，上半場係有攻門，但多數都係遠射，岩嘅，破密集係要遠射！之不過當但古一招俾人封印左，古天奴轉身都難之後…對科士打黎講，構唔成威脅呀。而費明奴、古天奴同安尼簡都盡晒力去搵機會去俾壓力呢個英人龍門，可惜都失敗而回。修咸頓回防、封位係快嘅，當利物浦有counter嘅機會果陣，係呀有一個人帶波爆過半場，但無人接應幫手嘛。前場球員被迫退後去幫手，但與此同時，前場對對方嘅壓迫就減弱左。
係今場入面，小妹認為高普調動比較慢。係下半場米拿射失十二碼後，69分鐘先換入史杜列治同埋拉蘭拿。其實早係上半場見到利物浦完全無創造力、以及奧歷治不在狀態又做唔到柱躉，動作同做決定慢嘅時候，下半場更衣室出黎就應該換人啦！史杜列治同拉蘭拿一出場，節奏快左明確左，埋門攻勢即係多左幾多；再好嘅球員係場上只有20分鐘去發揮，佢地對場波嘅影響力可以有幾多呢？
其實球迷都唔希望會有Plan B嘅出現，而對鐵桶陣，就只有不斷嘗試，試過打小組，人地禁區頂人多打人少又拍得快，利物浦球員完全入唔到中路，兩邊crossing又差；僅有幾次劏穿左又唔起腳。而家呢個陣式根本破唔到擺到明要死守你嘅球隊。留意返，踢901並唔係罪，901都係一種戰術，修咸頓回防好很快，好有紀律，但有捉到你空位做到反撃，最緊要係科士打上晒身，完場前救出由後備上陣古積嘅頭搥果球係靚嘅。
明嘅，世事邊有咁完美，你話想點就點呀？所以，要打入前四變返被動嘅利物浦，就只有希望人地失分，加上剩低果兩場都全取三分，仲有希望嘅！高普點樣調兵將會係一個重點…
reference/source： thisisanfield，live stream score from independent
占士米拿就係賽後同記者講：
「我做左我想做嘅野，但好明顯係唔夠好。」
「科士打係一個優秀嘅龍門。」
「除左雙手合十去同隊球道歉之外，我都唔知仲可以做咩。」
「修咸頓係一隊非常之堅強嘅球隊，要贏佢地係有難度。而今日球場亦有啲痴腳（sticky），我地嘅速度亦因為咁而慢左。」
「我地無預期中踢得咁好，我地係應該為呢件事負責任。」
「係賽事入面，我地明白邊啲應該做嘅做左，邊啲未做。但係十二碼呢一個黃金機會，我浪費左，今日拎唔到三分都係我嘅責任、我嘅錯。」
「剩低兩場比賽，我地要贏晒佢。」
咁其實球迷都明白，十二碼呢家野真係50/50，係有相確嘅餘地，唔可以太怪責佢嘅（雖然佢佢動作係大左少少）。
睇返場波先，上半場係有攻門，但多數都係遠射，岩嘅，破密集係要遠射！之不過當但古一招俾人封印左，古天奴轉身都難之後…對科士打黎講，構唔成威脅呀。而費明奴、古天奴同安尼簡都盡晒力去搵機會去俾壓力呢個英人龍門，可惜都失敗而回。修咸頓回防、封位係快嘅，當利物浦有counter嘅機會果陣，係呀有一個人帶波爆過半場，但無人接應幫手嘛。前場球員被迫退後去幫手，但與此同時，前場對對方嘅壓迫就減弱左。
係今場入面，小妹認為高普調動比較慢。係下半場米拿射失十二碼後，69分鐘先換入史杜列治同埋拉蘭拿。其實早係上半場見到利物浦完全無創造力、以及奧歷治不在狀態又做唔到柱躉，動作同做決定慢嘅時候，下半場更衣室出黎就應該換人啦！史杜列治同拉蘭拿一出場，節奏快左明確左，埋門攻勢即係多左幾多；再好嘅球員係場上只有20分鐘去發揮，佢地對場波嘅影響力可以有幾多呢？
其實球迷都唔希望會有Plan B嘅出現，而對鐵桶陣，就只有不斷嘗試，試過打小組，人地禁區頂人多打人少又拍得快，利物浦球員完全入唔到中路，兩邊crossing又差；僅有幾次劏穿左又唔起腳。而家呢個陣式根本破唔到擺到明要死守你嘅球隊。留意返，踢901並唔係罪，901都係一種戰術，修咸頓回防好很快，好有紀律，但有捉到你空位做到反撃，最緊要係科士打上晒身，完場前救出由後備上陣古積嘅頭搥果球係靚嘅。
明嘅，世事邊有咁完美，你話想點就點呀？所以，要打入前四變返被動嘅利物浦，就只有希望人地失分，加上剩低果兩場都全取三分，仲有希望嘅！高普點樣調兵將會係一個重點…
reference/source： thisisanfield，live stream score from independent
請按此登錄後留言。未成為會員? 立即註冊