利物浦對住頭六隊係無輸過，如果只係成個英超只有車路士、阿仙奴、曼聯同埋曼城嘅話，利物浦要拎第一不是夢。
好，發完夢，返去現實。
利物浦對中下游球隊都比較海鮮，輸過俾般尼、般尼茅夫、史雲斯同埋侯城。體育心理學家Dan Abrahams就話，呢個現象主要係因為下游球隊本住1)「無野可以輸」嘅心態去比賽，咁就2) 搏盡無悔去踢場波。當1同2呢個組合出現，威力就會倍增，因為三個字－「無」「壓」「力」。 一般弱隊對強隊都係輸少當贏，和波拎到一分當賺架啦。
係2004年，摩連奴執教車路士果陣，唔理對邊隊都好，佢都會叫球員係比賽前寫低三至四樣自己係球場上應該做嘅野。如果球員做唔到，摩佬就會係半場同球員講「你話會做！但無做到喎！」。Dan Abrahams指出，球員必需要對自己定立俾自己嘅目標負責任，再要清楚成隊波嘅方向，係球場上發揮出黎。Dan Abrahams更話，當年佢同英超球隊合作果陣，佢會集合晒球員同教練等係一間房入面，然後叫佢地講出三個佢地認為自己做得到又會去做嘅目標－例子：100％投入比賽又或者係要同其他隊員有溝通等等。咁樣做係因為佢想球員係每一場波都做到呢三樣野，從而變成習慣。擺脫對弱隊就放鬆；或者對強隊就會怯嘅情況出現。
咁下星期一晚對李斯特城又點睇呢？
作客西維爾輸1：2 之後，李斯特城炒左領隊雲尼亞里。老老竇竇，李斯特城係英超打得唔好係事實，但歐聯都唔錯呀，雖然首回合輸左1球，但都有作客入球嘛，形勢都唔係咁差。呢個時候炒左個帶領李斯特城傳奇地拎到上屆英超冠軍嘅雲尼亞里…好似有啲…唔太好。
但身為利迷，小妹都係食下花生姐。客觀睇啦，跟據經濟學家Dr Bas ter Weel嘅理論，係一個危機/低潮下炒左個領隊，球隊係短期內表現會有所提升；不過只睇呢個統計係會誤導左大家，因為就算唔換領隊都有機會有同樣嘅結果。（注意：車路士球員迫走摩佬另計）呢位荷蘭經濟學家就做左以下嘅比較，
https://s23.postimg.org/77na0ry2z/69326397_manager_sackings_464.gif
大家都睇到其實唔好「炒」呢個方式，球隊往後嘅表現會更好。所以好來好去啦，勸退自己走都無咁難聽呀…（不過俾人炒好似賠多啲）
而係統計學黎講，呢個結果可以用regression to the mean去解釋，即係如果一個variable（變量）係一個abnormal value（異常值）之後（踢得特別好或者差），下一次佢嘅value（值）多數會係中心位置（大部分情況是平均值）附近。即係話如果無咩特別時件發生、外圍因素改變，球隊成績都會係變返以前咁 。簡單啲講，即係新領隊上任果陣係外圍因素改變，通常呢度都會有一個小反彈出現，但之後都會返回平常水準。雖然呢個研究針對荷超，但Dr Bas ter Weel表示呢個model係適用於全部職業聯賽，包括英超。
學術野就講完，即係話李斯特城對利物浦係會特別勁左啦！經濟數學理論呢家野放落足球度都係參考、吹下水姐，或者俾人推翻，所以小妹都係睇返實際野好啲。下游球隊其實都睇通晒要點樣應付利物浦－打901，再黎個快速反擊，打沉你士氣分分鐘入多幾球，利物浦要破鐵桶陣都係靠快同埋有耐性猜散人地，高普踢左咁多場，識架啦。
小妹就話，
1. 如果心理學家theory係岩，即係做好自己就得啦！睇到利物浦對熱刺嘅表現，佢地應該搵到球場上目標啦！
2. 如果經濟佬theory係岩，李斯特城下場就會勁左（唔係弱隊），咦～咁即係利物浦有得打囉！
reference：does it make statistical sense to sack a football manager，espn
好，發完夢，返去現實。
利物浦對中下游球隊都比較海鮮，輸過俾般尼、般尼茅夫、史雲斯同埋侯城。體育心理學家Dan Abrahams就話，呢個現象主要係因為下游球隊本住1)「無野可以輸」嘅心態去比賽，咁就2) 搏盡無悔去踢場波。當1同2呢個組合出現，威力就會倍增，因為三個字－「無」「壓」「力」。 一般弱隊對強隊都係輸少當贏，和波拎到一分當賺架啦。
係2004年，摩連奴執教車路士果陣，唔理對邊隊都好，佢都會叫球員係比賽前寫低三至四樣自己係球場上應該做嘅野。如果球員做唔到，摩佬就會係半場同球員講「你話會做！但無做到喎！」。Dan Abrahams指出，球員必需要對自己定立俾自己嘅目標負責任，再要清楚成隊波嘅方向，係球場上發揮出黎。Dan Abrahams更話，當年佢同英超球隊合作果陣，佢會集合晒球員同教練等係一間房入面，然後叫佢地講出三個佢地認為自己做得到又會去做嘅目標－例子：100％投入比賽又或者係要同其他隊員有溝通等等。咁樣做係因為佢想球員係每一場波都做到呢三樣野，從而變成習慣。擺脫對弱隊就放鬆；或者對強隊就會怯嘅情況出現。
咁下星期一晚對李斯特城又點睇呢？
作客西維爾輸1：2 之後，李斯特城炒左領隊雲尼亞里。老老竇竇，李斯特城係英超打得唔好係事實，但歐聯都唔錯呀，雖然首回合輸左1球，但都有作客入球嘛，形勢都唔係咁差。呢個時候炒左個帶領李斯特城傳奇地拎到上屆英超冠軍嘅雲尼亞里…好似有啲…唔太好。
但身為利迷，小妹都係食下花生姐。客觀睇啦，跟據經濟學家Dr Bas ter Weel嘅理論，係一個危機/低潮下炒左個領隊，球隊係短期內表現會有所提升；不過只睇呢個統計係會誤導左大家，因為就算唔換領隊都有機會有同樣嘅結果。（注意：車路士球員迫走摩佬另計）呢位荷蘭經濟學家就做左以下嘅比較，
https://s23.postimg.org/77na0ry2z/69326397_manager_sackings_464.gif
大家都睇到其實唔好「炒」呢個方式，球隊往後嘅表現會更好。所以好來好去啦，勸退自己走都無咁難聽呀…（不過俾人炒好似賠多啲）
而係統計學黎講，呢個結果可以用regression to the mean去解釋，即係如果一個variable（變量）係一個abnormal value（異常值）之後（踢得特別好或者差），下一次佢嘅value（值）多數會係中心位置（大部分情況是平均值）附近。即係話如果無咩特別時件發生、外圍因素改變，球隊成績都會係變返以前咁 。簡單啲講，即係新領隊上任果陣係外圍因素改變，通常呢度都會有一個小反彈出現，但之後都會返回平常水準。雖然呢個研究針對荷超，但Dr Bas ter Weel表示呢個model係適用於全部職業聯賽，包括英超。
學術野就講完，即係話李斯特城對利物浦係會特別勁左啦！經濟數學理論呢家野放落足球度都係參考、吹下水姐，或者俾人推翻，所以小妹都係睇返實際野好啲。下游球隊其實都睇通晒要點樣應付利物浦－打901，再黎個快速反擊，打沉你士氣分分鐘入多幾球，利物浦要破鐵桶陣都係靠快同埋有耐性猜散人地，高普踢左咁多場，識架啦。
小妹就話，
1. 如果心理學家theory係岩，即係做好自己就得啦！睇到利物浦對熱刺嘅表現，佢地應該搵到球場上目標啦！
2. 如果經濟佬theory係岩，李斯特城下場就會勁左（唔係弱隊），咦～咁即係利物浦有得打囉！
reference：does it make statistical sense to sack a football manager，espn
請按此登錄後留言。未成為會員? 立即註冊