俗語有云－波係圓係無錯架，上半場贏緊0：2，下半場輸返4：3。
上半場個頭開得好好架，先有20分鐘文尼直接吊個過頭波俾佢爆過人地後衛篤入，般尼茅夫個龍就太遲出；再有22分鐘利物浦反擊放軒達臣放直線Origi禁區外起腳入波，今次個龍就衝左出禁區出俾Origi入空門。0：2上半場贏緊，一切都如常，無咩特別。但暴風雨前夕總係風平浪靜既…
下半場55分鐘輸12碼，咁占士米拿又真係掂到賴恩費沙既，不過後防都係蝦碌架啦，sin低俾人過，占士米拿補位想篤走個波但篤到腳…算啦當還返上半場果球啦，出得黎行，預左要還。1：2
63分鐘文尼拉散，空左安尼簡俾佢成功起腳！1：3
文尼係推波上前場果陣同對手撞左撞，踢踢下坐係場邊…而幾分鐘之後高普亦作出左調動，68分鐘換走文尼，入黎既係傷癒既拉蘭拿。（唔係下話，文尼傷！？）
71分鐘，占士米拿開角球，內彎直接彎入龍門，經過英超官方鷹眼睇過之後個波9成都過左白界，即係差啲啲咁多就計入多球。可惜呀，有證有據，無得講。
75分鐘，，留意返，利物浦後衛三個一係截唔到一係漏左個波，造就左賴恩費沙入波。2：3
79分鐘，又輸中堅清唔到波，果啲位中堅要包晒無得瀨，賴恩費沙助攻Cook入波。3：3
93分鐘，… Karius係救到第一下，之不過甩手俾Ake執雞入咋嘛，輕鬆啦。4：3
平安鐘都㩒唔切又失多球…去拎救心丸果陣又失多球…老細我心臟病聽日返唔到工okay？
呢場都睇到好多問題，
1. 兩個中堅成日撞埋一齊，今場馬迪普修左出唔到，路夫蘭同Lucas一啲都唔夾，0默契，仲要失哂位，完全保護唔到禁區。加上路夫蘭同Lucas都唔係頂得既中堅，係制空方面好輸蝕，所以對住大大隻既般尼茅夫，小妹認為卡拉雲仲適合。
2. Karius…兩邊高空波一向都唔得架啦，今日仲要直射俾你你都甩手，大佬呀你而家踢緊英超呀！加上路夫蘭同Lucas，就算有占士米拿同Clyne條防線都係危上加危，唔係話今場Clyne同占士米拿踢得好，佢地啲出波都可圈可點，但起碼乖乖地去做好自己應份既野先呀。
3. 利物浦既老毛病又返黎啦－一輸就信心下跌，越踢越燥，睇下下半場，今場主力安尼簡同軒達臣都開始急，而安尼簡更加拎左面黃牌，小妹幾擔心去到最後尋日曼城咁呀！而家人地般尼茅夫永不放棄對你利物浦贏緊兩球就懶懶閒…係咪上幾場俾人地既901陣寵壞左呀？對住唔係打901既般尼茅夫心態上個問題都幾大！ 睇數據，般尼茅夫12射8中，比起利記10射3中…明白啦？
4. 因為古天奴同史杜列治傷左，Origi就好自然做左正選。不過，origi企中間做唔倒ball movement，佢係有身位既，但係控波差同交波決定好慢。（又要提下大家啦，一個球員如果要make一個judgment，即係要做一個決定 （JM tone）要快，俾大腦既指示要少個10個字。）
5. 今場成隊波既郁動明顥慢左好多，啲波下下靠長傳同自己去，安尼簡係中路都拖到好慢，拉蘭拿係可以推返生個波，但係出左黎之後無咩機會掂到波，而佢個態都未返黎…但睇返個後備名單，真係無得換架啦。
好啦，講到呢度，小妹真係嬲嬲豬，睇到半場明明想去煮個麵、沖杯橙汁慢慢睇下半場。點知，真係橙啦， 慘到喊呀！痛失三分，喂而家爭標呀要，而家間接益左車路士，坐係小妹身邊既車迷而家偷笑緊。
上半場個頭開得好好架，先有20分鐘文尼直接吊個過頭波俾佢爆過人地後衛篤入，般尼茅夫個龍就太遲出；再有22分鐘利物浦反擊放軒達臣放直線Origi禁區外起腳入波，今次個龍就衝左出禁區出俾Origi入空門。0：2上半場贏緊，一切都如常，無咩特別。但暴風雨前夕總係風平浪靜既…
下半場55分鐘輸12碼，咁占士米拿又真係掂到賴恩費沙既，不過後防都係蝦碌架啦，sin低俾人過，占士米拿補位想篤走個波但篤到腳…算啦當還返上半場果球啦，出得黎行，預左要還。1：2
63分鐘文尼拉散，空左安尼簡俾佢成功起腳！1：3
文尼係推波上前場果陣同對手撞左撞，踢踢下坐係場邊…而幾分鐘之後高普亦作出左調動，68分鐘換走文尼，入黎既係傷癒既拉蘭拿。（唔係下話，文尼傷！？）
71分鐘，占士米拿開角球，內彎直接彎入龍門，經過英超官方鷹眼睇過之後個波9成都過左白界，即係差啲啲咁多就計入多球。可惜呀，有證有據，無得講。
75分鐘，，留意返，利物浦後衛三個一係截唔到一係漏左個波，造就左賴恩費沙入波。2：3
79分鐘，又輸中堅清唔到波，果啲位中堅要包晒無得瀨，賴恩費沙助攻Cook入波。3：3
93分鐘，… Karius係救到第一下，之不過甩手俾Ake執雞入咋嘛，輕鬆啦。4：3
平安鐘都㩒唔切又失多球…去拎救心丸果陣又失多球…老細我心臟病聽日返唔到工okay？
呢場都睇到好多問題，
1. 兩個中堅成日撞埋一齊，今場馬迪普修左出唔到，路夫蘭同Lucas一啲都唔夾，0默契，仲要失哂位，完全保護唔到禁區。加上路夫蘭同Lucas都唔係頂得既中堅，係制空方面好輸蝕，所以對住大大隻既般尼茅夫，小妹認為卡拉雲仲適合。
2. Karius…兩邊高空波一向都唔得架啦，今日仲要直射俾你你都甩手，大佬呀你而家踢緊英超呀！加上路夫蘭同Lucas，就算有占士米拿同Clyne條防線都係危上加危，唔係話今場Clyne同占士米拿踢得好，佢地啲出波都可圈可點，但起碼乖乖地去做好自己應份既野先呀。
3. 利物浦既老毛病又返黎啦－一輸就信心下跌，越踢越燥，睇下下半場，今場主力安尼簡同軒達臣都開始急，而安尼簡更加拎左面黃牌，小妹幾擔心去到最後尋日曼城咁呀！而家人地般尼茅夫永不放棄對你利物浦贏緊兩球就懶懶閒…係咪上幾場俾人地既901陣寵壞左呀？對住唔係打901既般尼茅夫心態上個問題都幾大！ 睇數據，般尼茅夫12射8中，比起利記10射3中…明白啦？
4. 因為古天奴同史杜列治傷左，Origi就好自然做左正選。不過，origi企中間做唔倒ball movement，佢係有身位既，但係控波差同交波決定好慢。（又要提下大家啦，一個球員如果要make一個judgment，即係要做一個決定 （JM tone）要快，俾大腦既指示要少個10個字。）
5. 今場成隊波既郁動明顥慢左好多，啲波下下靠長傳同自己去，安尼簡係中路都拖到好慢，拉蘭拿係可以推返生個波，但係出左黎之後無咩機會掂到波，而佢個態都未返黎…但睇返個後備名單，真係無得換架啦。
好啦，講到呢度，小妹真係嬲嬲豬，睇到半場明明想去煮個麵、沖杯橙汁慢慢睇下半場。點知，真係橙啦， 慘到喊呀！痛失三分，喂而家爭標呀要，而家間接益左車路士，坐係小妹身邊既車迷而家偷笑緊。
請按此登錄後留言。未成為會員? 立即註冊