【困惑】仍然要相信Karius會有希望

利永遠不會毒行 於 21/10/2016 發表 收藏文章
有得揀,你會點揀?

上場對曼聯既賽事,相信大家都對靚仔門將Karius「刮目相看」,不過,儘管佢表現不佳,高普都打算係下場對西布朗派佢上陣。

Erm…利物浦防守問題講左好耐, 隨住Matip、路夫蘭,clyne 呀加埋占士米拿等等既配合同埋默契上升,都叫好左呀。但作為後場既最後把關-門將,仍然係一個大問題。

「今期流行」由歐陸傳入既足球戰術係進攻由龍門開始,龍門唔再大腳清波,反而會傳俾後衛,再慢慢做波。而一般踢開歐洲球隊(唔計英國呀,脫左歐啦!)既龍門都唔會好慣係英超用呢招,原因係英超球隊玩迫攻,踢開歐洲球會既門將會唔習慣英超兩邊快速傳中波、高波。公平啲講句啦,想當年,岩岩救左古天奴球靚波既迪基亞初初去到曼聯都唔慣, 都俾唔少人鬧過既…

米奴列定Karius,係咪同飲可樂定百事一樣咁難揀?(利申:非賣廣告)
米仔一向都俾人鬧,話佢牛油手、唔穩定、判斷力間歇性失效。佢係傻,但係起碼會有神救,仲要係救十二碼成功率偏高既龍門。而佢係呢季英超既表現都幾平穩,出龍既精準度高左,雖然間唔中一兩球失左位/失手,都…可以原諒,小妹覺得佢係有進步,安全感比以前大左。

而Karius因為米奴列既歷史等「一籃子」因素,令到大家對佢有好大期望,老實啲講,覺得佢好過米仔已經足夠,但偏偏呢個壓力就影響左佢既表現。即係咁,你係一個娛樂圈新人,如果大家攞你同陳奕迅比較,你覺得差過佢都正常,心理壓力無咁大;之不過如果攞張如城黎同你比,如果你真係差過佢既話…(又頭盔,聽開together。)
對住史雲斯同曼聯,Karius受到外界既批評都唔少,特別係質疑佢唔知自己係場上面做緊咩,同後衛溝通有問題?優柔寡斷(小妹係之前既文都有提過,專家指出,一個足球員係做判斷既時候只可以用十個字以內既句子俾指令個腦去執行)? 所以係史雲斯同埋曼聯既比賽都見到有同後衛有出現誤會既場面。對於一個唔知自己想點既龍門黎講,大腳清走左個波分分鐘仲有著數,但係無威脅既大腳開波都要講講準確度,唔好出界先得架嘛。

其實Karius唔係無實力,睇返佢打非英超非大賽(或者應該話少觀眾既比賽)佢既表現都唔差,黎緊對西布朗既比賽,預計一定會有高空波,唔會下下地波俾佢救。對於唔叻高空波既佢(之前對史雲斯明明高位可以接實個波,但係要等到個波落地人地起腳先有反應),應該會係一個挑戰。心理上既野無人幫到佢,高普出得佢就證明佢係操練果陣表現得好,當高普做左佢應該做既野,而家就係睇佢自己點樣調節。

不過啦,小妹覺得,高普原意係想俾Karius係對西布朗,相對弱啲既球隊搵返信心,之不過呢,有啲野物極必反…想佢有表現會唔會變左另一種壓力呢?唔知啦,小妹都知自己有啲過份緊張擔心,但女仔就係咁架啦!高普如果對弱隊就出Karius,對強隊就出米奴列既話,一定會俾人話佢覺得兩個龍有實力距離,有違佢當初想有良性競爭既原意;所以小妹認為今場應該出米奴列,反正今個禮拜一星期兩場,等Karius抖下,俾米仔出下場囉,佢又唔係踢得差…
呀,題外話,唔知米仔係咪因為無得正選,所以有閒情係比利時開左間coffee shop,不過唔好以為去到就會見到米仔呀,因為呢間coffee shop,即係咖啡室呢~係由米奴列bro同埋mrs 米奴列幫手打理,而佢最愛就係Flat white。oh,成件事好文青添,may I have a cup of flat white? skimmed milk please.



如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Alfred Lau
    Alfred Lau 於 21/10/2016 評論 NO. 1

    暫時球隊成績可以,有本錢繼續試新龍,當成績轉差就可能會出番米奴列囉

  • Fat-dragon Ma
    Fat-dragon Ma 於 21/10/2016 評論 NO. 2

    都係打咗幾場波啫,卡列斯明顯未適應到英超打法
    不過我記得季前球迷會有人問,卡列斯/科隆嘅漢恩好?
    我毫不猶豫就答漢恩好好多,睇完近兩週兩門將嘅表現,就更加.......唉......

  • 黃啟宗
    黃啟宗 於 21/10/2016 評論 NO. 3

    選擇買一個新秀己非一個有經驗的當球隊後備龍門,高普已經有所決定,米仔不能長期為球隊把關。而且咁快比一個新加入的年輕龍門落場,原因非常明顯,跟當年迪基亞一樣。那怕卡仔之後的球季一直出錯,佢仍然會係球隊plan A。除非米仔以後出場都有神級表現,佢將會在1-2季內完全失去正選位置。

  • ガリレオ トレイズ
    ガリレオ トレイズ 於 21/10/2016 評論 NO. 4

    其實是否利記,門將訓練是否有問題?

  • Kenneth Chu
    Kenneth Chu 於 21/10/2016 評論 NO. 5

    撐米勞列

  • Nestor  Chu
    Nestor Chu 於 21/10/2016 評論 NO. 6

    用曼寧加

  • Ka Sing Chan
    Ka Sing Chan 於 21/10/2016 評論 NO. 7

    唉,我都冇眼睇,

  • Ben Wan
    Ben Wan 於 21/10/2016 評論 NO. 8

    掛念Reina

  • Iker Hin
    Iker Hin 於 22/10/2016 評論 NO. 9

    但米奴列反應真係好快 可憐成日都唔穩定

快捷鍵:←
快捷鍵:→