【唔係下話】拉蘭拿又傷?! 無緣未來兩場國家隊賽事

利永遠不會毒行 於 04/09/2018 發表 收藏文章
唔係呀嘛,拉蘭拿岩岩先好返,而家又傷?明明上一秒仲睇到instagram佢up咗張相恭喜軒達臣續約利物浦!
據英媒報導,拉蘭拿因為星期二喺國家隊訓練時受傷(groin strain injury),所以再次無緣國家隊,換句話即係黎緊嘅UEFA Nations League-英格蘭對西班牙以及瑞士嘅比賽都唔會見到佢啦。據知呢位中場喺首節,無錯呀係第一節操練果陣就出問題!而家佢已經離隊,返咗利物浦作詳細檢查。
修夫基早前公佈咗國家隊九月大軍名單,仲話呢個list應該係未來兩年都會岩用,因為佢哋只剩係下20場比賽,就要去踢歐國盃。所以盡量都會想操熟呢班球員,睇返世界盃表現,英格蘭都係一隊比較年輕嘅球隊,呢班幼獅有潛質嘅,但需要時間去成長;而拉蘭拿就有豐富嘅經驗可以俾到班細嘛。
拉蘭拿喺利物浦頭四場賽事都未有正選上陣,唯一係喺對水晶宮嘅賽事尾段被換入,雖然只係短短3分鐘,以高普嘅習慣,佢唔會擺未ready好嘅球員入出場名單入面(正選+後備),睇下法賓奴就知啦。現齡三十歲嘅拉蘭拿,上季因為大腿受傷缺陣多場球會賽事,季尾先好返慢慢操返起,如果高普俾佢慢慢有返上陣時間,對佢對球會甚至國家隊黎講都係一件好事,小妹希望今次佢只係輕傷啦,fingercross 一定會無事!

source:independent.co.uk

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • wombat
    wombat 於 05/09/2018 評論 NO. 1

    睇到新聞我都係呢個反應....唔係呀嘛

快捷鍵:←
快捷鍵:→