【再見了】米奴列給利物浦最後的情書

利永遠不會毒行 於 06/08/2019 發表 收藏文章
米奴列要離開利物浦了。
日前,現齡31歲嘅米奴列宣布,以£6.4 m轉會費,即將轉會去比利時球隊皇家布魯日。呢位比利時藉嘅龍門,不知不覺已經踢咗利物浦六年,共上陣204場,救咗8個12碼(球會紀錄)。而佢將會帶住歐聯冠軍呢個獎牌返去自己嘅國家比利時繼續佢嘅球員生涯。
米奴列2013年6月以£9m轉會費由新特蘭轉會利物浦,並簽下5年約。當時領隊羅渣士更稱讚佢為英超最佳龍門之一,13/14﹑14/15﹑15/16季度佢都係利物浦嘅正選龍門,出名守到12碼。
到咗2016年1月,高普決定再同佢再簽5年約。但於16/17季度,即係兩季前,利物浦買入卡里奧斯,米奴列正選頭5場英超後,高普選擇用卡里奧斯做正選,不過卡里奧斯表現未如預期,米奴列於同季12月重新奪會正選地位。而當年高普主張無「正選龍門」呢樣野,主張輪換-米奴列打英超﹑卡里奧斯打歐聯。但於後半季,利物浦英超/歐聯嘅正選龍都係卡里奧斯。
而卡里奧斯於2017/18歐聯決賽派膠後被流放土耳其後,利物浦買入艾利臣,而呢位巴西藉龍門黎到利物浦後,米奴列嘅後備位就更加「穩陣」,得啲盃仔賽打。但米奴列非常謙虛,雖然無正選打,但見到艾利臣喺球隊表現優秀,都會喺instagram出post去讚賞對方。由於佢出post得體,所以佢亦被稱為球隊最佳PR。
米奴列亦都有於7月季前熱身賽上陣,而對
而呢位22號球員喺宣布離隊後,隨即係自己嘅instagram上載咗一封公開信去感謝球會﹑領隊以及隊友;另外佢更感激多年黎球迷對佢嘅支持同鼓勵。

而感謝信內容如下:

引用親愛的利迷,

喺利物浦渡過六年多嘅時間,今天終於要講再見啦。能夠效力利物浦,世界上其中一支大球會,係一個非常光榮嘅事 ,而我喺利物浦時,更達成咗一個難以實現嘅目標。

我希望借呢個機會多謝我嘅粉絲,多謝佢哋喺我無論成功﹑失敗時都支持我,我亦都想感謝領隊及教練,佢哋傳授俾我嘅知識非常寶貴。

咁多年黎,我同好多優秀嘅球員同場過,但我認為現有陣容係呢6年黎最好嘅。我永遠唔會忘記當日喺馬德里嘅時光,我好興幸可以同大家一齊去經歷呢一晚。

效力利物浦呢6年係一個好嘅旅程,當中經歷過唔少高低起跌,但我會時常去回想我喺晏菲路嘅時光。我對於利物浦並無遺憾,因為我為利物浦付出一切,我為著起利物浦件波衫而感到驕傲,而且我盡全力比賽,因為我係代表住球隊嘅尊嚴以及專業。

曾經係家庭嘅一員,永遠都係家庭嘅一份子。喺我心入面,我永遠都係一個利物浦人。

應謝利物浦帶俾我嘅回憶,亦都祝球隊前程錦繡。

米奴列上
#YNWA

loading

留言


請按此登錄後留言。未成為會員? 立即註冊
    快捷鍵:←
    快捷鍵:→