【仲買唔買?】曾被傳出利物浦有興趣羅致之球員

利永遠不會毒行 於 22/02/2018 發表 收藏文章
其實講下講下都踢咗半季英超有多,利物浦應該都知道自己而家個陣缺乏啲咩,有咩不足,開始準備係夏季轉會市場買人,而家就睇下之前傳過高普有興趣羅致到晏菲路嘅球員有咩update先~

迪維積
有報導指出,雖然利物浦係一月份簽下修咸頓嘅雲迪克,但對於係同期被指係後備收購目標,拉素後衛迪維積,紅軍方面仍然有興趣;而佢球會拉素亦表示係夏季轉會市場後佢會以自由身姿態離隊。

呢名荷蘭藉球員現年26歲,係上年轉會市場時,佢表示想留係拉素,會洽談績約事宜。但可惜經過長時間嘅溝通,雙方未能就續約達成共識,所以係日前,拉素體育總監達利表示迪維積將會為球會出戰到本季完結,之後將會離隊。而拉素教練施蒙尼恩沙基就話迪維積係一個非常優秀嘅球員,而且十分專業。對於之後要轉會邊隊,我會建議佢先專心係餘下嘅球會比賽度,之後再慢慢冷靜地諗下自己未來。

好野就一定多人爭,睇得出佢比路夫蘭穩陣,比馬迪普做決定快。據鏡報指出英超曼聯、愛華頓以及阿仙奴,祖雲達斯同國際米蘭都有意簽入呢個球員,但係又有報導話迪維積對曼聯最有好感,因為摩連奴正打算重修曼聯條防線喎。

以下係迪維積球王片:
艾利臣
龍門一向都係利物浦一個隱憂,係一月份轉會市場傳得最勁嘅羅馬龍門艾利臣嘅消息慢慢淡咗落黎,而高普亦開始重要卡里奧斯,無論英超定歐聯都擺佢係正選,相反本身正選嘅米奴列就被「後備」啦。

雖然利物浦佢熱情轉淡,但呢個世界無野無可能發生。Sky Italy 就指出,由於黎緊將會有個Financial Fair Play restrictions,羅馬如果踢唔到歐聯,就有機會被迫賣走呢名巴西國家隊正選門將。睇返羅馬以50分,排係積分榜第三位,但只係領先第四同第五位分別差1分及2分。真係未踢到最後果場都唔知邊隊可以爭到頭四,再獲取歐聯資格。

如果羅馬踢唔到歐聯,要將艾利臣出售,相信利物浦都可以一戰。始終佢大賽經驗夠,反應快,比起利物浦現有嘅兩個龍門,應該穩陣啲卦…

以下係艾利臣嘅球王片:

安尼簡
最後講下利物浦現役球員,將會係完季後完約嘅安尼簡。利物浦同廣大球迷就擺到明想留佢係度,高普更曾任命過佢做利物浦隊長添。意大利報刊Tuttosport就話安尼簡最快都要係下個月先會公佈自己嘅去向,暫時佢會先專注係利物浦嘅比賽。

而安尼簡係年頭亦講過,佢對於續約一事係表持開放態度,主要將轉會/續約一次交俾經理人洽談。除咗之前盛傳嘅祖雲達斯想買佢之外,據講仲有曼城、拜仁慕尼克以及皇家馬德里都對佢興趣。估計安尼簡都係睇下利物浦下季有無歐聯踢先再作決定,見到佢一月唔走其實都有心想幫利物浦爭標,希望佢會留低啦。


source:thisisanfieldmirror

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→