【仍多麼需要你?】給米奴列的信

利永遠不會毒行 於 18/08/2016 發表 收藏文章
親愛的米奴列,

小妹對你又愛又恨。

你在剛剛對阿仙奴的比賽,在球場上的英勇地撲出禾確特所射的十二碼,即使好多評論都話果球只係禾確特射得差,射左去龍門最經常既搏救位置,但都唔可以否定你果下姿勢同反應兼備既撲救拯救左球隊。你要知道,要估中佢踢邊一邊、邊個角度、力度等等是何其的困難。雖然學港隊龍門葉鴻輝所講,救十二碼的龍門是永遠不會緊張,只有射手才會擔心入唔入。

但你淡定的表現,令小妹不禁查看一下你救十二碼的歷史。


唔睇由自可,一睇原來不得了!你竟然是英超最佳救十二碼的龍門之一。十一個十二碼入面,你救出了其中五個,跟九十年代前車路士門將卡連並列首位。跟據英國Brunel University 的研究指出,世界級的龍門都可以係 射手出腳前80毫秒預測到波的方向!可是,你要知道,十二碼在球場上出現的機會率,就像捉到比卡超一樣,可遇不可求。

但撲完球十二碼後,小妹剛剛定完驚唔夠兩分鐘你就同摩蘭奴聯手合作製造左賽事既第一個失球,係!我知果球摩蘭奴走左去前面諗住助攻,搞到左閘真空跟手係中場被人截左個波打反擊,是他的錯,但他原意都是幫手拉空,又不可以完全怪他。反而是你呀米仔,作為龍門除了玩反應神救之外,指揮後防走位都好緊要,這球你任由成堆後防全堆在右邊,由得卡拉雲去包個越左位的阿仙奴球員,卻不包條空晒的左路,企定定係龍門口封位又唔出迎,救唔到其實你也可以好像救球十二碼般玩神級反應囉。但不是球球都個人表演嘛,作為一個頂級龍門除左反應之外,封位,出迎時機,以及指揮後防能力是缺一不可。米仔你的反應係世界級,但其他幾樣...唉,小妹都唔識講。

到第二球,張伯倫在右邊舞龍咁舞,球波再被路夫雲閘左少少改變方向,你掛住睇波但不去封條近柱又無可厚非。但問題來了,反應呢?你那個世界級反應時靈時唔靈咁,點搞呢?

第三球其實不太關你事的,只是延續利物浦的老毛病:死球防守企位!後防被人壓住,張伯斯這球又HEAD得真的很靚呢。


你救了一球十二碼有分加是事實,而你在比賽中失掉了三球也是一個事實。 但比賽中既進攻同射門就好像波音蝠,總有一隻係左近。頂級既龍門就好似卡比獸咁穩如泰山,普通既龍門就同波波一樣一地都是。親愛的米奴列呀,你呢幾年既表現真係說服唔倒小妹你有能力成為一流既龍門囉,要不然高DADDY都不用買KARIUS回來跟你競爭,人家假假地都是德甲最佳龍門之一。 小妹港女上身,又HARSH又MEAN但小妹都只係恨鐵不成鋼姐。要知道英超競爭越黎越,我地利要重回前列位置需要比好做得更好!

據外媒所講,高普有意同愛華頓爭曼城門將祖赫特,加上卡利奧斯十月將會傷癒,相信都係高普想給矛你一些正面的壓力,令到你在未來幾場都是證明自己實力的一場。你要知道,只要你有好表現,小妹或者球迷都願意為你唱首「仍多麼需要你」。


球迷,
利永遠不會毒行 上


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Anfield Lee
    Anfield Lee 於 18/08/2016 評論 NO. 1

    笑話

  • Sebastien Kidd Fan
    Sebastien Kidd Fan 於 19/08/2016 評論 NO. 2

    據外媒所講,高普有意同愛華頓爭曼城門將祖赫特....

    吓??已經有3個龍門, 又買??

  • Steven Chau
    Steven Chau 於 19/08/2016 評論 NO. 3

    第一球冇得怪廢米啦 4打3個到 點指揮卡拉雲落去mark禾仔 打橫黎 一聽到Up 廢摩已經尻沖左上去完全去左打前峰咁樣 加上禾仔射到貼哂柱 唔係咁易救 係利 唔好咩都怪廢米

  • Meng Lei
    Meng Lei 於 19/08/2016 評論 NO. 4

    #強烈要求高普長用米勞列打正選

  • Gary Kwong
    Gary Kwong 於 19/08/2016 評論 NO. 5

    真。男。絲

  • Tsui Yat To
    Tsui Yat To 於 19/08/2016 評論 NO. 6

    樓上、
    #曲線要講明
    😅

  • Wanhang Chan
    Wanhang Chan 於 19/08/2016 評論 NO. 7

    乜水葉偉鴻

  • Lala Cheung
    Lala Cheung 於 19/08/2016 評論 NO. 8

    利物浦 嘅龍門都有一個通病,就係時得時唔得!無論高巴拿、占士、杜迪克、連拿 等等都係....

  • Franki Fung
    Franki Fung 於 19/08/2016 評論 NO. 9

    米勞列並不完美,也並非一無是處。

快捷鍵:←
快捷鍵:→