【下星期對曼城】高普: 古天奴係其中一名可用球員

利永遠不會毒行 於 05/01/2018 發表 收藏文章
對於巴塞隆拿會係一月轉會市場將會對古天奴出價£140 m,有報導指利物浦方面將會堅持盡最大努力去留佢係球會。
係上個夏季轉會市場中,利物浦三次拒絕巴塞隆拿對古天奴嘅開價後,係呢半季古天奴為利物浦上陣20次,包括歐聯賽事,更有十二個入球及九個助攻。老老實實,係呢幾個月,都睇得出古仔為利物浦都算賣心賣力,但係係岩岩對般尼果場,古仔就因為minor thigh injury 而缺陣賽事,記得係上年開季前,古仔都曾以背傷為理由而缺陣賽前熱身等比賽…

不同國家嘅輿論,就連利物浦隨隊記者Melissa Reddy都估計巴塞將會係不久將來對呢名25歲巴西藉球員開價,假如成事,古天奴有機會成為有紀錄以來第三最高轉會費嘅球員-第一名係尼馬(£199.80m),第二名係麥巴比(£166m)。

但英媒the Telegraph就指出,利物浦唔會咁順攤你話要就放俾你,利物浦堅持「唔想賣走古天奴,會盡力留住佢」嘅原則。

而由上個轉會市場傳到而家,利物浦希望羅致摩洛哥嘅利馬去頂替古天奴嘅位置,亦有好多未經確實/改圖消息指利物浦將以£90 m向佢開價。但the Telegraph就話利物浦現階段將會專注係說服古天奴留低,協助球隊係歐聯爭標先喎。
利物浦岩岩用£ 75m買下修咸頓中堅雲迪克,FSG會唔係見錢開眼,賣古天奴去填數?而古天奴亦一向被指佢想一月轉會去魯營。點解小妹一直都話佢係被指呢?因為古天奴係咁多訪問入面都係話,佢會努力踢好每一場波,佢好享受每一個時刻以及佢真係好鐘意踢波;對轉會一事隻口不提。

其實都踢咗半季囉,如果可以,點解唔踢埋剩低嘅半季,好好睇睇咁過去巴塞呢?而適逢世界盃年,去到巴塞唔夾隊波,表現唔好有影響就唔好啦,古天奴唔係巴西國家隊必然正選,佢知架。

係足總盃對愛華頓前嘅記者會上,高普講到古天奴就唔會出場架啦,對於會唔會打擊士氣呢?
「利物浦球員都係專業嘅,有時候佢地會係傳媒寫嘅故事主人翁,有時坐係佢地隔離果個先係故事主角;但呢班球員係好初期就知道應該要無視呢啲故事。」

「(古天奴轉會)呢個故事唔係第一日講架啦,係上個暑假已經聽到耳熟能詳,你認為利物浦呢隊波會俾轉會傳聞影響?緊係唔會啦!」

「我地將會專注係我地有影響力嘅地方,唔好花費心機去其他唔關事嘅身上。」

被問到古天奴會唔會出戰下星期對曼城嘅英超賽事上,高普竟然咁答:

「我認為佢係可用球員當中嘅其中一個人選,所以,我覺得可以。(I think he is in a bunch of available players for the City game, that's the 14 of January right – I think so. )」

岩呀,利物浦球迷其實都有晒心理準備古天奴會走,走定唔走都係時間問題。老老竇竇,學高普話,上年已經試過一次,好似dse/會考咁,做過晒past paper 同mock exam,同樣嘅事件再發生,球迷都應該識得點樣面對啦;走同唔走,相信今次將會平淡好多。留唔留係利物浦呢 ?歷史話俾大家聽,睇報紙報導唔準架,都係等官宣啦!


Source: thisisanfield, the telegraph, liverpoolfc

留言


請按此登錄後留言。未成為會員? 立即註冊
  • MandN 於 05/01/2018 評論 NO. 1

    kinfung 你做左狗咁耐幾時先肯做番人,你娘親好傷心

  • kinfung 於 06/01/2018 評論 NO. 2

    獌狗做到你禁柒真系第一次見,洗吾洗買塊骨頭比你咬呀

快捷鍵:←
快捷鍵:→