球迷謬論

球迷之間經常有唔同意見，有時冇話邊個啱邊個錯，但係將同一個概念套返去日常生活，就會發現呢啲謬論根本係講就天下無敵，做就有心無力。


1）球星話要走就係耍大牌、戀權，但自己轉工又唔會話自己貪錢

2）唔踢英超就係唔敢挑戰自己﹐自己又永遠唔敢去大公司見工

3）讚球星做 One-club Man 係忠心，對住辦公室嗰個就叫人Old Seafood
4）班主駛錢簽球星叫進取，老闆加高層人工就鬧人肥上瘦下

5）班主唔駛錢就係姑寒，自己排幾個鐘頭隊就只係為左免費或者買一送一

6）球員肯跑動叫做勤力，同事做多兩樣就喺背後話人扮勤力

7）球員唔迫搶唔跑就係扮球王，自己偷懶就講出幾多糧咪做幾多野囉
8）球星要求加薪就係發錢寒，但日日就發夢老細加自己人工

9）出事時會話唔肯減薪嘅球員無情無義，老細想你共渡時艱就投訴資方剝削

10）唔記得球員都係打工仔，自己就成日發夢做老細
11）一場表現唔好就話要賣，但又唔見返工做錯野時叫老細炒左佢

12）射球世界波就讚到人變球王，同事做好個大 Project 就係靠好彩同有老細照

13）狂駛錢買人就話係金元足球，老細唔駛錢投資設備就話老細無心做好盤生意

14）球員對戰術有意見就係唔聽話、奪權﹐自己同上司嘈就係上司唔肯聽下屬意見

15）喺網上就做 Glory Hunter，返工就鬧同事係擦鞋仔

16）只值一千萬嘅球員都叫球會出夠二千萬，但又唔見自己買樓時出高過業主嗰叫價

17）識得叫人抬價曼抬價利﹐但Agent 一話有其他人已經開左價就即刻開支票

18）要球會又買球星又做好青訓﹐老細叫做多份報告就話人使人唔使本

待續 （可能啦）⋯⋯