巴塞明夏將以3500萬歐元簽下多蒙特核心！ 精選

西甲豪門巴塞對多蒙特中堅曉姆斯感興趣已經唔係新聞，功勳老將佩奧爾年事已高，並且傷病不斷，而曉姆斯係宜家歐洲炙手可熱既年輕中堅之一，頭球同腳下技術出色，並且熱愛進攻既德國國腳正正係巴塞既最佳選擇，不過曉姆斯同多蒙特既合同簽到2017年，無解約金條款。
今日德國著名媒體《圖片報》獨家爆料，稱曉姆斯好有可能係出年夏天加盟巴塞，而轉會費將高達3500萬歐元，如果成交，曉姆斯都將成為世界上身價最高既中堅之一。 《圖片報》之前曾經獨家爆料過古沙加盟拜仁既新聞，而呢次既爆料都意味住巴塞同曉姆斯之間唔再係簡單既傳聞，而係進入左更加實質既階段。曉姆斯係以前既採訪中都講過“巴塞係能夠令我感興趣既球會之一”。
《圖片報》仲報導多蒙特已經開始尋找曉姆斯替身既工作，多記看中既係瑞士巴素爾隊中既21歲年輕天才中衛法比安-謝爾，估計身價係500萬歐元左右，謝爾同時都係其他幾家豪門球隊關注既對象，其中包括阿仙奴同祖雲達斯。多蒙特對謝爾並唔陌生，今年夏天既熱身賽，多蒙特3-1戰勝左巴素爾，對手入既一球正係謝爾既頂入既。
對於曉姆斯同巴塞既消息，多蒙特經理表示：“呢個係多蒙特許多既轉會傳聞之一，不過大多數都係唔真實的。”不過無否認既係多蒙特過去幾個賽季都不斷有核心流失，先有沙軒，後有香川，再到今年夏天既古沙，目前隊內曉姆斯，根度簡同REUS三大德國國腳都係各大豪門重點關注既對象，點解留住佢地將係多蒙特要長期面對既難題。