皇馬熱刺分歧達1800萬，加盟必打破C朗轉會費！ 精選

《每日電訊報》透露，本週二皇馬主席佩雷斯同熱刺主席列維係美國進行新一輪談判，佩雷斯唔願意用西班牙小將莫拉達交換巴利，佢只係稍稍提高報價，雙方既差距仲有1800萬英鎊。
 熱刺主席列維正係美國度假，而皇馬岩岩係美國踢完波，雙方趁此進行第二輪談判，但收效甚微。佩雷斯只係稍稍提高8600萬英鎊既第一份報價，但列維重申佢地要​​價1.04億英鎊。無論雙方以何價格成交，都將打破C朗既8000萬英鎊轉會費紀錄。
今次會談雙方再次提及球員交易，而佩雷斯都係唔願意拿西班牙U21小將莫拉達交換，而且雙方對皇馬球員身價既評估都有分歧。列維表示只有熱刺實力得到加強既情況下，佢地先會放行巴利，因此佢先點名要才華橫溢既莫拉達。列維深知將錢存到銀行，對熱刺下賽季爭奪歐冠席位無任何幫助。
為左衝擊歐聯，熱刺夏天已斥巨資簽下保連奴同蘇達度，之前熱刺曾表示皇馬要想繼續談判，就必須大幅提高報價，眼看第二輪談判陷入僵局，雙方會唔會進行第三輪談判仲係唔知。列維係歐洲足壇著名既鐵公雞，他既然同佩雷斯談判，說明只要價格合適，佢會考慮放人。巴利已告知熱刺佢要去皇馬，琴日佢到熱刺訓練場報導後，並無參加完整訓練，而係治療腳傷。本週六，熱刺將會係主場迎戰西班牙人，呢個係佢地今夏既最後一場友誼賽，而巴利參賽既機會好小。