[賽後分析] 馬迪爾夢幻開局 朗尼找到最佳位置?

傳統以來,曼聯 vs 利物浦的對陣備受注目,呢場賽事不嬲都比人叫做雙紅會 (紅魔鬼 vs 紅軍),點解兩隊對陣咁受注目就唔講la,入正題......

呢場焦點落在岩岩續約4年的門神迪基亞,同埋3600萬鎊19歲新援馬迪爾身上,結果迪基亞一如所料復任正選,而馬迪爾則先列後備(曼聯排陣4231,迪基亞/梳爾,白蘭特,史摩寧,達美安/卡域克,小豬/迪比,靴里拉,馬達/費蘭尼 ),利物浦由於古天奴早前領紅,軒達臣受傷,隊長交左比占士米拿(利記排陣433,米洛列特/佳尼,洛夫雲,史卡迪爾,約瑟高美斯/占士米拿,安利簡,盧卡斯/法明奴,恩格斯,賓迪基)

開波早段係好悶,利記好少逼搶,縮在半場入面,曼聯缺乏有效攻勢打到入去利記禁區,呢到可以講下迪比。

迪比今場一如之前幾場,好獨食,唔肯交波,完全無諗過同梳爾做配合,又唔肯走位,當正自己係大佬(我上個post已經咁講:(http://football.fanpiece.com/m/worldfootball12221/c1194389.html)呢場因為利物浦嚴密防守,迪比拎波有兩三個走過來mark你,你控球又唔係好,比人逼兩逼就控失左,上半場好多組織攻勢都係斷在佢腳下,希望雲高爾可以教好佢la

呢場兩隊嘅調動可以話係今季開季以來最正常,迪比上半場咁嘅表現,雲高爾梗唔收貨,結果下半場一開波就用楊格換走迪比,因為楊格肯交波,肯走位,有teamwork,唔獨食,曼聯進攻左路通哂,結果即刻見效,48分鐘,馬達罰球開個地波比白蘭特,白蘭特左腳撞射,1:0領先......

49' 白蘭特入球 (馬達助攻) (1:0)

之後其實曼聯d攻勢都好入肉,靴里拉同馬達有試下幾次配合,而左路楊格+梳爾直頭fit到漏,右路仲有個達美安,都威脅到利記防線,利記在失左一球之後,增加逼搶,有唔少機會,恩格斯有球彈地波,差d難到迪基亞,65分鐘,羅渣士換走左冇表現嘅法明奴,換入新星艾比,同一時間,馬迪爾終於上陣,這是他的第一場在奧脫褔的比賽,也是第一次披上曼聯球衣上陣。

恩格斯 60' 射門 (呢球如果比羅美路救,唔知救唔救到呢?)

因為利記球員好想追平,好心急,都冇左應有嘅冷靜,結果70分鐘付出代價,高美斯禁區內踢跌靴里拉,球證直指十二碼,靴里拉在職業生涯第一次射十二碼,好有信心射入左。

70' 靴里拉 入球 (十二碼) (2:0)

之後曼聯球員或許因領先兩球,注意力有點下降,被賓迪基射左球超靚倒掛,迪基亞有反應已經好屈機,事關個波速度超快(即使救唔到,也不是他的責任)

84' 賓迪基入球 (2:1)


但係曼聯球迷絕對唔會估到,新援馬迪爾竟然可以咁高速,左右腳都得,同埋好冷靜,入呢球係顯哂功架,19歲的小將才在英超上陣20分鐘,便有這樣的表現,是否幸運,見仁見智,但係馬迪爾作為近79年以來唯一一位處子戰對陣利物浦取得入球的球員,更加係唯一一位不但入到波,而且在雙紅會中勝利的球員,他只用了二十多分鐘就創造歷史是無需質疑的,基於有太多球員只是一兩場好表現就消失左,我希望佢可以持續進步,佢入呢球,絕對令唔少曼聯迷睇到希望,埋門果下湯遠柱真係似亨利,唔係傳媒吹水。

86' 馬迪爾入球 (楊格 助攻) (3:1) (如果迪比冇被換入,我好相信佢唔會傳波比馬迪爾,而係死扭爛扭直至扭失,也就不會有呢個入球)

認真講,馬迪爾呢場表現證明左佢承受到身價帶來的壓力,處子戰就在奧脫褔取得入球是夢幻的開局,但希望雲高爾留住來用,唔好用殘佢,佢絕對是一個可造之材。 朗尼今場因傷缺陣,但各位睇過昨晚曼聯的表現,應該已經知道朗尼的最佳位置,就係後備席,出佢只會比機會佢思考人生,佢同迪比都好應該雪下,比佢地知道曼聯的正選位置係要經過努力先爭取到返來,唔係hea。 (雖然我知冇咩可能) 白蘭特今場幫手截左兩個險球,加上一個入球,使他成為今場MVP,而今場佢對住賓迪基竟然也不落下風,使我有點驚訝......

By Jones

如果覺得呢個post還可以,希望你地可以支持我地page:
世界足球 World Football:
https://m.facebook.com/eww.com.hk

如果喜歡我們的文章,請即分享到︰

標籤: 馬迪爾  曼聯  利物浦  

留言

會員
我要評論
請按此登錄後留言。未成為會員? 立即註冊
  • Tsang Jimmy
    Tsang Jimmy 於 13/09/2015 評論 NO. 1

    有點抽水post, 我指話朗尼hea踢。因為之前幾場,由迪比打左邊時,真係好少傳球供應,所以朗尼又回到中場駁腳拎波。但佢打英格蘭時,有輸送情況下,佢都已經努力係前線爭取射門。無入波姐。但迪比,就似初出道的C 朗同贊奴沙一樣,上腳太多,而暈膠耳無一套方法令迪比打到inside forward . 先搞到上半場不倫不類

  • cua
    cua 於 13/09/2015 評論 NO. 2

    martial左(肯突破), depay正前(極大射門慾), rooney墜後(慣性位置)
    應該就解決左所有問題

  • KaHo Chau
    KaHo Chau 於 13/09/2015 評論 NO. 3

    迪比 靴尼拉 馬達(左至右) 正前馬迪爾👍

  • vv11716
    vv11716 於 14/09/2015 評論 NO. 4

    樓上白痴 仲出迪比 下場我包佢無正選

  • Siu LamBin
    Siu LamBin 於 14/09/2015 評論 NO. 5

    咪係。俾楊格出好過啦

快捷鍵:←
快捷鍵:→