【全年最觸目之一】本週好波連場！七小時直播馬拉松

今個週末相信會幾風起雲湧，因為有連場大戰恭侯大家，首先星期五晚已經有德甲嘅榜尾大戰，波琴同緬恩斯係僅餘今季未贏過波嘅德甲球隊，到底佢哋幾時先開齋？當然，英超方面都有般尼茅夫對住般尼，兩隊現時都係身處降班區域，緊係希望可以盡快逃離。至於提到名牌大戰，西班牙國家打吡、曼市打吡，再加埋意甲兩場超級大戰，包括國際米蘭對羅馬，以及拿玻里對AC米蘭，全部都係不容錯過。

小弟今個星期六會應邀出席喺中環摩天輪旁活動空間舉行嘅西甲打吡睇波派對，到時同大家一齊欣賞巴塞對皇馬嘅大戰，而星期日更加會由晚上 22:45 開始，陪你連睇三場大戰，去到05:45！
https://www.zicket.co/events/elclasico-fc-barcelona-vs-real-madrid-737882866517


不過即使歐洲方面有多場大戰都好，小弟係絕對唔會遺忘本地波，星期日下晝 15:00 嘅香港U-23對港會，以及18:00 嘅晉峰對流浪，我都會入場睇，有緣的話就球場見！