皇馬如何將兩位法國中場超新星融入原有的體系?同場推介務實派球迷必定要留意的球隊


西甲前瞻第一集

討論球隊包括:
1. 皇家馬德里

2. 畢爾包

3. 奧沙辛拿

4. 卡迪斯

5. 華拉度列


皇家馬德里


*30歲或以上嘅球員有10個...部分球員D合約都睇下點啦, 大家都知係邊D架啦...相信隨住球季進行, 一直都會有相關既續約情況報導, 到時大家再留意啦

*大約有12個球員要征戰世界盃

*Benzema 繼續以身作則...連續三個球季既入波數字都上升...古圖斯大熟大勇, 可以話更上一層樓

*最誇張既係, 上季好多球員都係新高 (Benzema+Vinicius 入波同助攻都係新高, Asensio 聯賽首次攞到雙位數入球, Rodrygo 係聯賽同歐聯既入波加埋係佢個人新高...就連Nacho 都平左佢個人入波既身高...仲有Militao 亦都係開始有D台型

*有興趣睇下Rudiger 黎到之後既磨合, 如果佢同Militao 一齊出就大家都標出黎...所以呢兩個球員都係拍Alaba 就比較正路少少...同埋雙中堅下都唔好忽視Rudiger 係生波時候後上既助攻, 反而Casemiro, Modric, Kroos 呢D都熟知皇馬中堅既特性, 都會填返佢地個位
*Tchouameni 真係天才橫溢, 有身型, 有控球能力, 有大局觀...只係點樣zump 佢同Camavinga 一齊玩...點樣可以砌好呢副puzzle…係要D時間既, 因為果三位老牌中場實在係已經注入哂所有皇馬DNA, 一時間套其他球員入黎, 的確係有機會顯得格格不入...另外Ceballos 返黎之後, 偶爾後備落黎既表現都有一定既大將之風, 算係近年幾個重返皇馬既借將中較受重用既一個

*其他球員都係果D架啦, F.Valverde 係大戰中就會推前去右翼呀咁樣...巴西雙子星會繼續進步等等...係戰術上都冇咩特別野好講

預計: 皇馬奪得聯賽冠軍既呼聲依然都係較高既一隊, 但卡斯米路離隊添變數, 巴塞咁多內憂外患...馬體會亦都唔係有太多既擴軍情況...不過應該冇win 得咁輕鬆...始終佢地都係繼續面對年紀老化既問題...但老練就係老練...正頭正路既大熱心水都係皇家馬德里...

in: tchouameni - 80m / rudiger - free

out: 幾個上年既借將就賣走, 再加埋青訓左閘M.Guetireetz 亦都冇上陣機會下離開...幾個球員加加埋埋都收返20m / Jovic, Isco, Bale, Marcelo 都係自由身離開, 當中係得Marcelo 暫時未有班落
*Valverde 第三度執教球會, 之前2015年贏過西超盃...離開巴塞隆拿後休息左兩年半....陣式一直都唔轉, 上一次教Bilbao…只有1場係2015年2月26號對Torino 既歐洲賽轉踢3-5-2, 其餘都係4-2-3-1...但第一場就打4-3-3

_______________________________

畢爾包

*上季一直都係中游份子唔上唔落...由第23周開始後就排第8...一直去到尾

*呢隊波有7個球員都係年過30, 好得意, 其中4個球員都係左右二閘 (Capa, De Marcos, Balenziaga, Berchiche)...都要考慮到邊路上上落落果個頻率

*今年有新主席, 烏利亞迪...另外發展總監同青訓經理亦都換左人...黎個架構重整, 睇下有咩新思維

*上季失波失36球, 係自88/89球季後最少既一季...但差唔多4-5年冇踢過入歐洲賽

*呢兩季首席特手都係得8球 (前季Berenguer, 上季I.Williams)

*上季D中堅值得講下, D.Vivian 已經上位 (除左10月至1月要養傷之外, 佢基本上已經係正選), 另外I.Martinez 亦都因為表現稱職...入返國家隊...睇你點睇啦, 你可以話中堅冇乜人揀?
*中場既Zarraga, Sancet, Vencedor 全部都係比前一季既上陣時間多...Sancet 亦都係未來Bilbao 中場指揮官既接班人...

*攻擊球員, 兩個Williams 點處理好? (I.Williams 雖然冇缺陣, 近呢兩三季好似徘徘回回...所以可能要比D新既角色佢, 唔好係前面咁多, 嘗試拉返邊...而N.Williams 上季盃賽有入波, 但聯賽係0入球0助攻 (但對於一個有11次正選23次後備既攻擊球員, 明顯呢個進攻效率係唔可格...佢本身都係挨右邊居多, 睇下會唔會有其他轉型

*Muniain 愈踢愈有, 上季正選上陣次數同總上陣時間...同埋助攻數字都係出道以黎最多....幾乎全季都健健康康, 真係畢爾包球迷之福...而Berenguer + R.Garcia 都係稱職...而好難要求佢地做太多野

in: guruzeta - free (其實佢係Bilbao 青訓, 18/19球季都曾經為Bilbao 係西甲上陣過 45分鐘 (6次後備), 之後去過其他兩間球會, 但連續兩年...佢所效力既球會都降班...今年免費返黎, 25歲 1米88前鋒....上季係西乙入13G, 其中12月到2月入8球 / 另外有D外借回收返黎既球員, 但其實都唔係好點用...呢一刻除左Morcillo, Nolaskoain 外, 其他都走哂或者再被外借....有D上年係一隊有踢過下既球員今年就外借...其中有兩個中生代球員, 兩個都25歲...右閘既Petxaroman 上季都踢左17場 (1次正選16次後備), U.Nunez 前季都算係正選啦, 上季已經退居後備....仲有最後一個就後生好多...N.Serrano 上季有波入

預計: Valverde 係Bilbao 教果4季, 一次第四, 一次第五, 兩次第七...係近年成績最好既Bilbao 教頭...多種進攻既侵略性...進攻既諗法明顯係唔同D...所以能夠爭返個歐洲賽席位都唔出奇

_____________________________

奧沙辛拿

開場白: 連續三季排係中游位置, 兩次第10, 一次第11

*上季有樣野同前季唔同, 就係上季有7-8場佢地轉打三後衛 (前季得一場) , 又唔係完全對強隊先係咁做...我諗Arrasate 自己都明白, 本身呢個4-1-4-1 既套路都唔可以咁一成不變...

*陣式上係睇下4-2-3-1 有一個中前場既派牌球員, 定係4-1-4-1 就比較可能防守性D…

*因為A.Oroz 同M.Gomez 既出現, 所以其實中前場係多左D可以比到波, 可以做到策動攻勢既球員...另外J.Martinez 都係有能力係陣中上位...因為Roberto Torres 始終都慢慢淡出

*邊路側擊, 傳中波簡單直接, 同埋好有隊型, 好有效率...睇佢地既紀律性都係好賞心悅目

*前線各有千秋...C.Avila 比較靈活, 比較有爆破能力...K.Garcia 好勤力...Budimir 上腳同停波能力都好...

*都想讚下D.Garcia + U.Garcia, 同埋Torro + Moncayola…真係好出色.....唯一係GK位置我擔心

預計: 推介大家, 如果你係一D務實派, 中意欣賞一D實而不華既足球, 又中意睇下球隊點樣將D青訓提升上黎既, 睇下Osasuna…好試正, 比到你一種好齊整既感覺, 或者如果想挑戰下自己急口令都可以睇佢地.....好多大姓氏係令到你頭都痛....至於成績方面, 降班有排都未到佢地, 但歐洲賽又好似牽強D...所以都係安守本份, 排返係中游啦

in: M.Gomez - 1.8m (好好用, 上年歐聯淘汰賽一場都冇踢, 但分組賽就場場都有上陣) / M.Sanchez - 再借 / Aitor Fenandez (身材唔高大, 但反應都唔錯...上季比前兩季上陣更少) + R.Pena (對上四季上陣時間愈黎愈少, 右閘又多人, 所以維拉利爾都唔要啦) - free / Pablo Ibanez (上季先加盟B隊, 係B隊有9G, 23歲架啦, 首次提升上一隊打西甲 - 提升

out: 離開球員全部都係免費走, 當中效力球隊成20年既Oier 離開, 去左Cyprus 聯賽, 其他比較重要就左閘既Jose Angel…上季都叫半主力

__________________________

卡迪斯

開場白: 卡迪斯上季可以護級成功, 不過某程度上我覺得有少少可惜, 因為係1月份炒左Cervera…呢位帶領球隊已經6年兼且升返上西甲既功分教頭, 不過現賽係殘酷架啦, 因為上季去到季中佢被炒之前, 球隊只係贏得2場, 排尾二, 而Segio Gonzalez 接手後, 球隊贏左6場, 最後成功上岸

*呢隊波有12個30歲或以上既球員...平均年紀偏大, 踢法亦都幾體力化...同埋佢地係一隊呂著重控球既球隊, 防守花費既體力較多....好彩隊波去到季中可以抖抖, 因為得Mabil 一個國腳...仲要佢都已經唔係國家隊正選

*上季除左J.Ledesma 同Espino 外, 冇任何球員係聯賽係正選有25次或以上...即係陣容郁動都大...J.Ledesma 幾好...水準幾穩定, 可惜Argentina 呢一代既GK 位置競爭大 (Musso + Rulli + E.Martinez, 仲有國內一兩位門將, 而你只係踢Cadiz 就真係好難爭)...同樣地Espino 都係...國家隊有M.Oliviera + M.Vina (兩位都係意甲歐戰份子既球員)

*季前熱身賽睇落最尾果三場都係輸波, 但對手強過你 (Lille, ATM, Sevilla), 反而要留意, 其實對ATM, Sevilla 都似係打個3中堅陣式...呢樣野對Sergio Gonzalez 黎講係比較少見 (上季Segio Gonzalez 接手後都有兩場係試過打三中堅陣式....兩場對Getafe, Granada 都打和)

*中場中路好多人揀....甚至過多

*A.Fernandez 的尷尬...除非打4-4-1-1...但又由於經常都係靠兩翼出波, 唔係好係中路做組織...所以冇乜用冇之地

*前鋒就好難寄予厚望, Negredo + A.Lozano 上季7G 已經係首席射手...L.Perez 年紀大好難再對佢有太多要求...Sobrino 上季4G 已經係個人單季新高...A.Gimenez 係西乙上季都係入得5球, 加上都31歲...兩翼都唔係入波多......所以今季繼續入波都唔會多, 前季入36, 上季入35...一場一球都唔到, 但勝在隊波真係夠un, 所以我成日都形容佢地係Burnley…而呢一個元素都會係佢地繼續能夠爭取護級既最大資本

in: V.Chust + R.Alcaraz - 都係用1m 買斷, 但其他新加盟球員都係免費加盟 (Mabil (20歲去到米迪蘭特, 但近年開始冇咩正選, 上年下半季借去Kasimpasa, 都未試過踢足90分鐘, 國家隊都冇正選, 但26歲, 當然有一定速度, 但腳下功夫一般, 不過係4-4-2 陣式當中, 呢D翼鋒上上落落會岩用掛) + Zaldua (唔再係必然正選, 但係防守能力幾好, 幾穩紮穩打) + Emeterio - 佢就免費既, 上年都同R.Alcaraz 一齊係Valladolid 過黎...過往都係跟過Sergio Gonzalez)....Antonio Blanco (上年一隊踢過30分鐘...主要都係B隊打中場中) - 借用

out: 免費離開左既有4個球員, 但除左赤道幾內亞國腳Akapo 之外, 其他三個係下半季都已經唔係正選, 影響未必好大...Akapo 去左MLS...其他借用期滿或者借走都唔係主力...有時都要小心, 要check 得仔細D, 唔係離隊數目多就係對球隊影響好大...

_______________________________

華拉度列

*季前7場熱身賽有4場都係0:0

*要留意續約情況, 因為第一輪對Villarael 既正選十一人入面, 有五個球員都係下年夏天完約...如果你覺得係主力既話就要著緊D, 但有時都理解...球會唔係特別有錢, 有時續約只能一年一年去計, 步步維營

*教頭既Pacheta 都有D故事, 係19/20球季, 佢帶領Elche 升班後兩日就離開球會 (我有睇當時升班附加賽, 可能球會都覺得對佢冇乜信心, 因為佢執教之下, 打法冇咩特別亮眼之...然後係上年1月, 半路中途上任成為Huesca 領隊, 希望可以幫到球隊護級, 但最後都係失敗, 之後上年夏天就黎到Valladolid, 就幫到球隊升班...

*上年Pacheta 既陣式由3-5-2變4-4-2變4-3-3...佢係一個對陣式諗法幾多變既教頭

*S.Asenso 同S.Escudero 黎到之後係陣中西甲經驗最豐富既球員

*睇下今年幾個射手夠唔夠多產, 因為之前三季係西甲, 佢地入波最多既球員都係得6-8球...上季就Weissman - 20G, 但之後果個已經去到7球...所以如果Weissman 冇貨交就慘...

*中堅睇落仲會加人加盟, 因為三個中堅應該好難頂得到

*好多都熟口熟面, 唯獨Plata, 真係好勁

*S.Leon 自從16/17, 17/18 連續兩季有雙位數入球後, 近呢4年係西甲加埋得3G, 極需供應...S.Guardiola 都還好...起碼作用明顯...但佢有一個走勢, 就係果一季入完8球之後, 佢既入球數字就會倒退...上季入完8球, 咁今年就...所以靠Weismann…另一種用法就係將O.Plana 擺前一格, 屯重兵係中場中路果D範圍

預計: 其實佢地冇乜特別大既增兵, 仲要有一個係門將位置....真係量入為出, 所以實力係比較難同其他球隊周船, 由其是有大部分球員都係之前果季既西甲主力...對陣容冇乜衝擊同增強之下, 今年護級前路確實唔算好樂觀...

in: 基本上用既錢都係買斷, Plata - 3m / Monchu - 1.2m / I.Sanchez - 100k / 真正用錢買既係Malsa - 500k / 另外免簽左S.Escudero + Asenjo....另外係冇咩人既情況下, 有D球員上季借走左, 我唔知係咪想踢西甲啦...例如K.Perez, S.Guardiola, Olaza 今年返到黎應該用得著....呢幾個都係西甲, 但仲有一個係上年係西乙, 上季借去Malaga 既Sekou Gassama…但全季得3球...西乙單季入波最多都係得6球...但都要用啦...冇錢買人呀

out: 離開左既得R.Alcaraz 賣到1m / 其他都係自由身離開.....都有重要成員既, 例如Olivas, Nacho Martinez

留言


請按此登錄後留言。未成為會員? 立即註冊
    快捷鍵:←
    快捷鍵:→