武漢肺炎影響到各行各業，足球亦唔例外：聯賽被逼暫停，甚至腰斬；球員波都冇得練丶本應喺五月完結嘅歐戰；而家仲踢緊；英超首次頒發七月最佳球員；球會就算冇財政危機，來年買人計劃亦被打亂……今日就研究下呢場疫情點樣操縱歐聯戰果！
1.緊密賽期
受到肺炎影響，歐洲各地比賽變得更加頻密。英，意，西三地由六月賽事重開以嚟，就保持住一週兩賽；德國有時亦會一週兩賽，但頻率相對冇咁多。至於法國賽事就腰斬，令到法甲三月尾之後都再冇比賽，但係法國兩項盃賽決賽喺七月繼續，加上期間球隊有踢友誼賽，兩支歐戰球隊未至於冇比賽踢。以下係六月至歐賽重開前，歐聯參賽球隊嘅比賽數量：
拿玻里：十四場(意甲/意大利盃)
祖雲達斯：十四場(意甲/意大利盃)
阿特蘭大：十三場(意甲)
曼城：十二場(英超/英足總盃)
車路士：十二場(英超/英足總盃)
皇馬：十一場(西甲)
馬體會：十一場(西甲)
巴塞羅拿：十一場(西甲)
拜仁：八場(德甲/德國盃/友賽)
RB萊比錫：七場(德甲/友賽)
PSG：五場(友賽/法足總盃/法聯賽盃)
里昂：五場(友賽/法聯賽盃)
可見德丶法兩國重有時間踢友賽，疫後賽程對佢哋影響不大。反觀意大利，英格蘭，西班牙三國球會比賽密集，球員唔單止休息時間較少，甚至增加受傷風險。例如車路士去到季尾傷患滿營，佩利錫，柏度，韋利安，基祥，艾斯派古達等全部受傷，缺席歐聯，筆者唔信同季尾爆計無關！球員疲態盡現對小球會影響較大。我突登睇返阿特蘭大嘅常規正選，發覺除咗門將高連尼外，迪魯恩丶費奧拿丶沙柏達同高美斯，場場比賽都有份落場；柏沙歷丶高辛同希迪保亞就只有一場缺陣。加上伊利錫離隊，阿特蘭大可用球員就變得更少。望住佢哋對PSG嗰場尾段，大部份球員都顯露疲態。當睇返佢哋賽程，就唔難理解原因。[/size]
2.合約/轉會問題
歐聯八強賽本應喺二丶三月開始舉行，而家去到八月，自然球員同球會之間會有合約問題。呢度就簡單講下每隊情況：
RB萊比錫：添姆華拿已離隊
PSG：卡雲尼丶蒙尼亞已離隊
曼城：辛尼已離隊；衛斯華即將完約，可能因此多場比賽只列後備
巴塞：艾法美路因“被轉會”，拒絕上陣
以上球員喺正常賽期下，都可以悉數上陣，歐聯改為八月舉行就無法上陣。當然，有球隊冇咗佢哋仍然贏到八強，但成個比賽未完，缺少嗰位球員始終都係損失，會令未進行嘅比賽留人變數。同樣，即使呢班球員上到陣，曼城同巴塞都唔一定會贏，但都係嗰句，歐聯變成而家踢，其實增加咗比賽不公平性。
3.淘汰賽兩場變一場
本身我都認為，一場過中立場喺里斯本舉行，加上冇葡萄牙球隊未出局，大家都冇主場之利，冇問題。自從睇完曼城對里昂嗰場，我諗法有變。呢段我主要都係針對曼城場波而講。哥迪奧拿放棄招牌4-3-3陣式，取而代之嘅曼城唔慣用嘅3-5-2陣式。其實哥帥整體戰術無變：保持控球，短傳為主；兩閘(翼衛) Overlap進攻，進攻球員Half Space搵空位；橫傳搵中間球員射門，中堅防線擺得好高，協助參選組織。哥帥上半場排出3-5-2，放棄兩翼制造Half Space空位，將呢個工作交比前鋒負責。呢個調動就係為咗用多一個中堅，增加曼城後場組織嘅優勢，同時增加防守人數。喺我眼中，哥帥係希望保守行事先會咁做。佢知道曼城後防經常出現漏洞，喺歐聯一場過下，佢哋唔希望有失誤，於是搏一鋪，排出較保守戰術，放棄慣用打法。而家馬後炮睇返，哥帥就係賭輸咗：三中堅無法阻止失波，進攻效率又比4-3-3時大減，最終上半場入唔到之餘，仲要先輸一球。而筆者認為，如果分兩回合踢，哥帥並唔需要咁搏；用返4-3-3，戰果可能改變。
總結
講咗三個重點，都仲未講球員中過招而影響表現或者無法比賽，影響人腳調配。但呢個因素實在難以量化，case by case咁評估各隊損失，唯有喺度輕輕帶過。講返聲先，寫呢篇出嚟唔係輸打嬴要。我係一個車迷，二月踢完首回合已經知道車仔技不如人，冇得打。所以唔係想將出局責任賴落肺炎上。只係覺得今年歐聯同以往有好大分別，所以分析下唔同球隊嘅得與失。最後最後，我寫呢篇文時，四強仲未開波，當中我認為PSG同RB萊比錫係因為肺炎而有明顯人腳損失，卻仍未出局，究竟失去主力對佢哋餘下比賽有幾大影響？我有機會再同大家分析。唔知大家又有咩意見呢？
1.緊密賽期
受到肺炎影響，歐洲各地比賽變得更加頻密。英，意，西三地由六月賽事重開以嚟，就保持住一週兩賽；德國有時亦會一週兩賽，但頻率相對冇咁多。至於法國賽事就腰斬，令到法甲三月尾之後都再冇比賽，但係法國兩項盃賽決賽喺七月繼續，加上期間球隊有踢友誼賽，兩支歐戰球隊未至於冇比賽踢。以下係六月至歐賽重開前，歐聯參賽球隊嘅比賽數量：
拿玻里：十四場(意甲/意大利盃)
祖雲達斯：十四場(意甲/意大利盃)
阿特蘭大：十三場(意甲)
曼城：十二場(英超/英足總盃)
車路士：十二場(英超/英足總盃)
皇馬：十一場(西甲)
馬體會：十一場(西甲)
巴塞羅拿：十一場(西甲)
拜仁：八場(德甲/德國盃/友賽)
RB萊比錫：七場(德甲/友賽)
PSG：五場(友賽/法足總盃/法聯賽盃)
里昂：五場(友賽/法聯賽盃)
可見德丶法兩國重有時間踢友賽，疫後賽程對佢哋影響不大。反觀意大利，英格蘭，西班牙三國球會比賽密集，球員唔單止休息時間較少，甚至增加受傷風險。例如車路士去到季尾傷患滿營，佩利錫，柏度，韋利安，基祥，艾斯派古達等全部受傷，缺席歐聯，筆者唔信同季尾爆計無關！球員疲態盡現對小球會影響較大。我突登睇返阿特蘭大嘅常規正選，發覺除咗門將高連尼外，迪魯恩丶費奧拿丶沙柏達同高美斯，場場比賽都有份落場；柏沙歷丶高辛同希迪保亞就只有一場缺陣。加上伊利錫離隊，阿特蘭大可用球員就變得更少。望住佢哋對PSG嗰場尾段，大部份球員都顯露疲態。當睇返佢哋賽程，就唔難理解原因。[/size]
2.合約/轉會問題
歐聯八強賽本應喺二丶三月開始舉行，而家去到八月，自然球員同球會之間會有合約問題。呢度就簡單講下每隊情況：
RB萊比錫：添姆華拿已離隊
PSG：卡雲尼丶蒙尼亞已離隊
曼城：辛尼已離隊；衛斯華即將完約，可能因此多場比賽只列後備
巴塞：艾法美路因“被轉會”，拒絕上陣
以上球員喺正常賽期下，都可以悉數上陣，歐聯改為八月舉行就無法上陣。當然，有球隊冇咗佢哋仍然贏到八強，但成個比賽未完，缺少嗰位球員始終都係損失，會令未進行嘅比賽留人變數。同樣，即使呢班球員上到陣，曼城同巴塞都唔一定會贏，但都係嗰句，歐聯變成而家踢，其實增加咗比賽不公平性。
3.淘汰賽兩場變一場
本身我都認為，一場過中立場喺里斯本舉行，加上冇葡萄牙球隊未出局，大家都冇主場之利，冇問題。自從睇完曼城對里昂嗰場，我諗法有變。呢段我主要都係針對曼城場波而講。哥迪奧拿放棄招牌4-3-3陣式，取而代之嘅曼城唔慣用嘅3-5-2陣式。其實哥帥整體戰術無變：保持控球，短傳為主；兩閘(翼衛) Overlap進攻，進攻球員Half Space搵空位；橫傳搵中間球員射門，中堅防線擺得好高，協助參選組織。哥帥上半場排出3-5-2，放棄兩翼制造Half Space空位，將呢個工作交比前鋒負責。呢個調動就係為咗用多一個中堅，增加曼城後場組織嘅優勢，同時增加防守人數。喺我眼中，哥帥係希望保守行事先會咁做。佢知道曼城後防經常出現漏洞，喺歐聯一場過下，佢哋唔希望有失誤，於是搏一鋪，排出較保守戰術，放棄慣用打法。而家馬後炮睇返，哥帥就係賭輸咗：三中堅無法阻止失波，進攻效率又比4-3-3時大減，最終上半場入唔到之餘，仲要先輸一球。而筆者認為，如果分兩回合踢，哥帥並唔需要咁搏；用返4-3-3，戰果可能改變。
總結
講咗三個重點，都仲未講球員中過招而影響表現或者無法比賽，影響人腳調配。但呢個因素實在難以量化，case by case咁評估各隊損失，唯有喺度輕輕帶過。講返聲先，寫呢篇出嚟唔係輸打嬴要。我係一個車迷，二月踢完首回合已經知道車仔技不如人，冇得打。所以唔係想將出局責任賴落肺炎上。只係覺得今年歐聯同以往有好大分別，所以分析下唔同球隊嘅得與失。最後最後，我寫呢篇文時，四強仲未開波，當中我認為PSG同RB萊比錫係因為肺炎而有明顯人腳損失，卻仍未出局，究竟失去主力對佢哋餘下比賽有幾大影響？我有機會再同大家分析。唔知大家又有咩意見呢？
請按此登錄後留言。未成為會員? 立即註冊