升班馬錫菲聯無疑係上季英超奇兵。曾經一度向前四進發，幾乎令人以為佢哋初初升班就有歐聯踢。戰術外，錫菲聯數據令人驚訝，全季只失39球，係全英超第四少，只係多過利物浦同曼市雙雄；戰術內，佢哋打法為眾人帶嚟驚喜：壘瓦式中堅(Overlapping Center-back)令人睇得津津樂道。無可否認嘅係，錫菲聯球員質素唔高，打到呢個成績同主教練維爾達戰術有好大關係。當民間開始分析錫菲聯優缺點時，英超群雄點會視之不理？一季蜜月期過後，錫菲聯又可唔可以繼續企穩陣腳？佢哋又可以點樣再進一步？
雖然今個英超轉會窗十月五號先完，但直到現在，錫菲聯喺轉會市場唔多動靜，只係從般尼茅夫簽入門將藍斯達爾(Aaron Ramsdale)同埋免簽後備龍門科達寧咸(Wes Foderingham)。場區球員冇變動。事實上，由於上年門神甸恩軒達臣(Dean Henderson)外借期滿離隊，即使簽咗人，佢哋正選球員質素係差咗。甸恩軒達臣嘅預期失球比實際失球(PSxG+/-)多出4.8次，反映佢有多次神救，反觀藍斯達爾呢項數據只係正0.1，屬表現不過不失之流，但把關功夫相信都係軒達臣更勝一籌。長傳能力兩位門將都較弱，只有大約三成成功率，21個出場多過15場嘅門將入面，佢哋分別排18同20，可以話半斤八兩。偏偏錫菲聯著重長傳，但又難以依靠龍門供應上中前場，真係可惜。
再簡單講下鍚菲聯戰術特色，3-4-3陣式下，兩側中堅經常上前進攻，增加自己喺邊路人數優勢，以及傳中時，喺中間接應嘅人數，佢哋攻勢極之簡單，以兩邊傳中為主，所以佢哋只得兩成進攻來自中路，換言之有80%進攻嚟自邊路，係全英超最多。講到呢度，介紹大家睇下錫菲聯對般尼嘅精華片段，兩隊都係依賴斬波嘅球隊，般尼亦有73%進攻係嚟自兩邊，呢場比賽相當有「英國風情」。https://www.youtube.com/watch?v=rvaZeswCDaM
入返正題，由於兩側中堅成日上前，錫菲聯通常只會留低一個中堅，加上較前方兩位中場協防，甚至更少。中數單薄下，經常會被反擊。錫菲聯防線其實唔係唔夠人，但佢哋後防球員經常向持球者標波，而忽略對方其他球員，如果攻方成功一扭二，或者傳出去比空晒嘅隊友，就容易造成失波。頭先講到佢哋全季失波唔多，但係要再進一步就只可以喺呢啲方面調整。呢兩張圖都可以見到錫菲聯喺進攻三份一位置有八名球員，人數都對進攻當係係好事，但變相只有兩名球員企喺較後位置，易輸反擊。
https://i.imgur.com/7rydNcO.gif
呢下就睇到佢哋防守時習慣壓縮持球者空間，但會忽略其他球員。好彩呢球手球在先，入球無效，但同樣見到錫菲聯嘅防守漏洞。
進攻方面，同失球一樣，錫菲聯嘅入球都係39球，同白禮頓並列尾五。我認為前鋒線上要問責嘅係麥高迪克(David McGoldrick)。佢預期入波多達七球，但係全季英超只係入得兩球。呢個數據已經唔係冇運咁簡單。相信維爾達已經留意到呢個問題，下半季麥高迪出場機會已經較少。但成隊波唔係得佢一個埋門差，最近對赫斯嘅熱身賽入面，錫菲聯有多次近門失機。熱身賽都算喇，如果正賽都係冇改善，呢啲射波同射走三分冇分別。https://i.imgur.com/RiAeFg3.gif
另一個問題，雖然鍚菲聯傳中次數只係次於曼城同利物浦，向禁區傳中次數亦排第五，但係佢哋嘅射門次數係全英超最少，反映佢哋傳中效率低。如果可以換人腳當然最好啦，但係由於錫菲聯進攻時邊路多人，負責傳中嘅人自己都多，有四位球員傳中次數超過100次，操作上冇可能換晒佢哋，唯有透過訓練改善。上到英超，各隊中堅能力都有返咁上下，而英超中堅都出名擅頂，如果錫菲聯傳中質素仍然係咁，再多傳中都只係亂石投林，用處唔大。
總結
回望上年，第一季上到英超，錫菲聯就為我哋帶嚟戰術上嘅震撼，上季成績絕對令我同唔少球迷大趺眼鏡經過一年升班蜜月期後，英超各隊一定會重視錫菲聯呢支黑馬，面對走上走落嘅中堅，最簡單嘅應對方法係要求前場球員積極回防，防止佢哋靠人多取得優勢。不過唔同球隊嘅主帥可能有其他應對方法，我哋一於拭目以待。防守上錫菲聯係不完美，可接受，但要改善。進攻方面就有更大改善空間。展望下季，我唔清楚佢哋目標會唔會係打歐洲賽，如果係嘅就真係要下苦功。暫時佢哋踢咗一場半熱身賽(對登地聯半場因天氣關係腰斬)，估計今年戰術上同上年變動不大，可能逼搶會更多。筆者對佢哋期望就簡單啲：維持黑馬本色，做到攔路虎嘅話，呢支小球會嚟講都算好有交代。
雖然今個英超轉會窗十月五號先完，但直到現在，錫菲聯喺轉會市場唔多動靜，只係從般尼茅夫簽入門將藍斯達爾(Aaron Ramsdale)同埋免簽後備龍門科達寧咸(Wes Foderingham)。場區球員冇變動。事實上，由於上年門神甸恩軒達臣(Dean Henderson)外借期滿離隊，即使簽咗人，佢哋正選球員質素係差咗。甸恩軒達臣嘅預期失球比實際失球(PSxG+/-)多出4.8次，反映佢有多次神救，反觀藍斯達爾呢項數據只係正0.1，屬表現不過不失之流，但把關功夫相信都係軒達臣更勝一籌。長傳能力兩位門將都較弱，只有大約三成成功率，21個出場多過15場嘅門將入面，佢哋分別排18同20，可以話半斤八兩。偏偏錫菲聯著重長傳，但又難以依靠龍門供應上中前場，真係可惜。
再簡單講下鍚菲聯戰術特色，3-4-3陣式下，兩側中堅經常上前進攻，增加自己喺邊路人數優勢，以及傳中時，喺中間接應嘅人數，佢哋攻勢極之簡單，以兩邊傳中為主，所以佢哋只得兩成進攻來自中路，換言之有80%進攻嚟自邊路，係全英超最多。講到呢度，介紹大家睇下錫菲聯對般尼嘅精華片段，兩隊都係依賴斬波嘅球隊，般尼亦有73%進攻係嚟自兩邊，呢場比賽相當有「英國風情」。https://www.youtube.com/watch?v=rvaZeswCDaM
入返正題，由於兩側中堅成日上前，錫菲聯通常只會留低一個中堅，加上較前方兩位中場協防，甚至更少。中數單薄下，經常會被反擊。錫菲聯防線其實唔係唔夠人，但佢哋後防球員經常向持球者標波，而忽略對方其他球員，如果攻方成功一扭二，或者傳出去比空晒嘅隊友，就容易造成失波。頭先講到佢哋全季失波唔多，但係要再進一步就只可以喺呢啲方面調整。呢兩張圖都可以見到錫菲聯喺進攻三份一位置有八名球員，人數都對進攻當係係好事，但變相只有兩名球員企喺較後位置，易輸反擊。
https://i.imgur.com/7rydNcO.gif
呢下就睇到佢哋防守時習慣壓縮持球者空間，但會忽略其他球員。好彩呢球手球在先，入球無效，但同樣見到錫菲聯嘅防守漏洞。
進攻方面，同失球一樣，錫菲聯嘅入球都係39球，同白禮頓並列尾五。我認為前鋒線上要問責嘅係麥高迪克(David McGoldrick)。佢預期入波多達七球，但係全季英超只係入得兩球。呢個數據已經唔係冇運咁簡單。相信維爾達已經留意到呢個問題，下半季麥高迪出場機會已經較少。但成隊波唔係得佢一個埋門差，最近對赫斯嘅熱身賽入面，錫菲聯有多次近門失機。熱身賽都算喇，如果正賽都係冇改善，呢啲射波同射走三分冇分別。https://i.imgur.com/RiAeFg3.gif
另一個問題，雖然鍚菲聯傳中次數只係次於曼城同利物浦，向禁區傳中次數亦排第五，但係佢哋嘅射門次數係全英超最少，反映佢哋傳中效率低。如果可以換人腳當然最好啦，但係由於錫菲聯進攻時邊路多人，負責傳中嘅人自己都多，有四位球員傳中次數超過100次，操作上冇可能換晒佢哋，唯有透過訓練改善。上到英超，各隊中堅能力都有返咁上下，而英超中堅都出名擅頂，如果錫菲聯傳中質素仍然係咁，再多傳中都只係亂石投林，用處唔大。
總結
回望上年，第一季上到英超，錫菲聯就為我哋帶嚟戰術上嘅震撼，上季成績絕對令我同唔少球迷大趺眼鏡經過一年升班蜜月期後，英超各隊一定會重視錫菲聯呢支黑馬，面對走上走落嘅中堅，最簡單嘅應對方法係要求前場球員積極回防，防止佢哋靠人多取得優勢。不過唔同球隊嘅主帥可能有其他應對方法，我哋一於拭目以待。防守上錫菲聯係不完美，可接受，但要改善。進攻方面就有更大改善空間。展望下季，我唔清楚佢哋目標會唔會係打歐洲賽，如果係嘅就真係要下苦功。暫時佢哋踢咗一場半熱身賽(對登地聯半場因天氣關係腰斬)，估計今年戰術上同上年變動不大，可能逼搶會更多。筆者對佢哋期望就簡單啲：維持黑馬本色，做到攔路虎嘅話，呢支小球會嚟講都算好有交代。
請按此登錄後留言。未成為會員? 立即註冊