各大英超球會近日都要將佢哋嘅球員列入25人名單，我哋可以喺唔少球隊嘅名單中搵到亮點，例如利物浦暫時取消受重傷嘅雲迪克嘅註冊，阿仙奴冇註冊奧斯爾等。令筆者最感震驚嘅，係車路士元老門將施治被註冊。
有打開Football Manager嘅朋友一定知道英超註冊規則：除咗U21球員外，每隊最多可以註冊25位球員，但係當中要有8位有Home Grown身份。由於車路士近年重用青訓，蒙特，基摩，占士，甚至新加盟嘅夏域斯都可以當U21球員，變相佢哋可以註冊更多人。車仔大軍中，只有四位球員有Home Grown身份，所以佢哋只可以註冊21位球員，但係佢哋一隊只有20人需要註冊，所以車路士物盡其用，將施治註冊，成為陣中第四門將。
據了解，正職係車路士技術顧問嘅施治，暫時未有同球隊簽下球員合約。但自從藍軍簽入塞內加爾門將文迪後，施治一直有到訓練場教導文迪，又有同其他守門員一齊練波。車路士方面話，有鑑於現時武漢肺炎嚴重，守門員有確診，或者需要隔離嘅風險，所以佢哋決定註冊施治，以備不時之需。
施治喺阿仙奴完成18/19球季後退役，其間試過為一支業餘冰上曲棍球隊擔當門將。雖然佢係退休後出山，但係大家唔好以為佢年紀好大，佢而家38歲，對守門員嚟講仍然係可以接受。佢比祖雲達斯嘅保方(42歲)，甚至隊友卡巴尼路(39歲)仲要後生。
作為車迷，當然想見到佢再次上陣，不過理性話俾我聽機會唔大。唔知大家覺得四位門將嘅出賽次序應該點排呢？
英超各隊球員名單：https://www.premierleague.com/news/1869523
有打開Football Manager嘅朋友一定知道英超註冊規則：除咗U21球員外，每隊最多可以註冊25位球員，但係當中要有8位有Home Grown身份。由於車路士近年重用青訓，蒙特，基摩，占士，甚至新加盟嘅夏域斯都可以當U21球員，變相佢哋可以註冊更多人。車仔大軍中，只有四位球員有Home Grown身份，所以佢哋只可以註冊21位球員，但係佢哋一隊只有20人需要註冊，所以車路士物盡其用，將施治註冊，成為陣中第四門將。
據了解，正職係車路士技術顧問嘅施治，暫時未有同球隊簽下球員合約。但自從藍軍簽入塞內加爾門將文迪後，施治一直有到訓練場教導文迪，又有同其他守門員一齊練波。車路士方面話，有鑑於現時武漢肺炎嚴重，守門員有確診，或者需要隔離嘅風險，所以佢哋決定註冊施治，以備不時之需。
施治喺阿仙奴完成18/19球季後退役，其間試過為一支業餘冰上曲棍球隊擔當門將。雖然佢係退休後出山，但係大家唔好以為佢年紀好大，佢而家38歲，對守門員嚟講仍然係可以接受。佢比祖雲達斯嘅保方(42歲)，甚至隊友卡巴尼路(39歲)仲要後生。
作為車迷，當然想見到佢再次上陣，不過理性話俾我聽機會唔大。唔知大家覺得四位門將嘅出賽次序應該點排呢？
英超各隊球員名單：https://www.premierleague.com/news/1869523
請按此登錄後留言。未成為會員? 立即註冊