Ricky out是否南區唯一出路？ #細路仔看足球

由細路仔看足球於 10/03/2020 發表收藏文章

南區喺港超聯第四週補賽中慘敗畀傑志5比1，賽後大眾球迷都批評Ricky嘅戰術係南區輸波嘅主因。咁究竟喺南區嘅前途著想南美聰係咪應該離開南區？佢哋應該做嘅又係啲乜嘢呢？

[預防武漢肺炎你我戴口罩有責]

其實到而家南區一直好似打得唔係太有起息以及踢出嚟嘅表現未如人意，甚至爆大冷輸波嘅原因都係因為Ricky未能發揮到佢麾下嘅球員最大嘅效能，其實睇下南區而家個陣容見到有文迪斯、查維斯、子彈、陳廣豪等等嘅勁人，喺佢哋呢個情況絕對唔係好似流浪咁樣限米煮限飯，佢哋行一個主攻嘅戰術係好過佢哋而家防守反擊好多。第二個佢哋而家失敗嘅原因就係因為佢哋冇一個好好嘅進攻閘，如果南區可以有多啲好似陳海柏同許宏鋒呢啲有多啲進攻意識嘅球員，咁樣佢哋就會係一啲傳中以及攻勢上面會改善好多。但係如果淨係靠而家嘅史必同肥積等等好難做出一啲快速嘅攻勢。第三個原因就係因為Ricky冇好好善用年青球員，見到好多時佢派出嘅陣容都偏老鎮宗嘅防線以及中場線甚至已經有時平均歲數超過30歲，如果佢肯用多啲年輕才俊咁樣可能會有啲意想不到嘅表現，睇下傑志用陳晉一、羅梓駿等年青球員踢出嚟嘅活力嗰種嘅影響係無法被其他球員取代。但係講咗咁耐始終要改第一步一定要行四後衛。初頭可能對南區嚟講係難適應啲，但係四後衛係勢在必行，既然南區都畀咗咁多次機會鄭兆聰佢改變戰術、陣容等等，但係佢都仲未見得出就好好嘅成效。如果要趕走鄭兆聰就要快，唔係再咁落去南區整個球會都唔會變得好。