車路士2比0輕取利物浦概述 #細路仔看足球

車路士喺主場史丹福橋球場喺足總盃第五輪2比0成功淘汰利物浦，進軍下一輪。呢場賽事利物浦派出較多嘅副選上陣，車路士可以話係陣容比較資深。利物浦喺上半場嘅時候較大嘅漏洞就係成日會畀人喺右路教一個長波畀係左邊嘅柏度再交返嚟中間射門。呢樣嘢制造咗車路士一連串嘅攻門。及後一次攻勢後阿祖安喺開出龍門球之後，因為法賓奴嘅失誤導致韋利安射入成1-0，而阿祖安亦都係撲嘅時候牛油手。之後車路士今仗嘅正選門將阿列加沙巴拿加就發揮到佢嘅價值，佢連救四個射門，可謂狀態神勇。及後下半場嘅時候，蒙特係一個峨嵋月頂附近嘅死球到中楣彈出，但係巴克里之後係一個反擊由中場一路推一路，推到喺禁區外射入。柏度之後亦有個絕佳嘅反擊機會，佢單刀但係竟然 喺最後時刻射地波，輕鬆比利物浦門將救出。基奧特曾經亦都有一個絕佳機會，佢推過後衞之後施射但僅僅中門楣彈走。[預防武漢肺炎 你我戴口罩有責]

雖然利物浦之後換上沙拿、法明奴、占士米拿三位主將，但係都無補於事。至於車路士由於高華錫同韋利安嘅傷出，蒙特已經係半場前嘅時間入替，佐真奴亦都喺下半場前段嘅時候入替，車路士傷兵滿營之下佢哋兩個嘅受傷或多或少都係一個壞消息。
Source : Dailymail , Standard.co .