聖誕港超下游分析(02) #細路仔看足球

細路仔看足球 於 23/12/2019 發表 收藏文章
聖誕快樂,早前我就上載咗篇文章講關於聯賽前列分子嘅分析,而跟住我就會講埋其餘嗰五隊,究竟邊隊最有機會會降班呢?
loading
首先我會由最低分嘅元朗開始講起。佢哋踢咗八場目前仲未攞到首埸嘅勝仗。佢哋攞到四分㗎啫佢哋,四和四負嘅戰績都係相對於上年佢哋由郭sir帶領嘅時期之下明顯差咗一大截。咁究竟佢哋嚟緊嘅發展係點仍然未知。不過我哋可以知㗎呢就係佢哋下場聯賽佢會對住升班馬愉園,究竟佢哋呢支球隊未來發展如何係值得留意。 順帶一提佢哋嘅會長王威信喺今屆區議會上面係未能成功當選。佢哋下一年究竟搞唔搞到仍然係一個未知之數。更加不幸嘅係佢哋嘅球隊經理郭靜然亦都係喺區議會敗陣,咁新一年佢哋嘅發展嘅可唔可以喺區議會度R到一筆足夠嘅資助仍係一個未知之數,但可以肯定嘅係喺餘下球季佢哋必須努力護級。
而喺榜上排第九位嘅就係標準流浪。呢隊波係喺今季臨開始球季之前先被邀請升班,咁佢哋真係出嚟嘅表現不過不失,踢咗八場同另外一支升班馬愉園一樣就攞到五分,但係因為對賽成績嘅關係就僅僅落後於對方。佢哋今季淨係贏過一場波,攻擊力上面唔係太好。隊中有多位嘅年青球員坐陣,當中最具代表性嘅一定係歐沖歐陽耀沖。佢哋下場嘅聯賽將會對住富力r&f,佢哋上週聯賽已經喺主場慘敗1比7比對方,喺廣州佢哋會唔會繼續輸波定係可以爆冷勝出呢?佢哋呢隊波近期傳嚟嘅消息就係歐冲及彭林林去到日本試腳,當中亦都係有球探搵過佢哋兩個傾偈,咁究竟佢哋兩個係會繼續留返喺流浪定係會喺當地搵到新機遇呢?
而僅以得失球排流浪之前嘅就係愉園,佢哋今季以青春打拼出幾好嘅成績,雖然佢哋嘅入球係最少,但係就喺球場內外贏盡掌聲 。呢支老字號嘅球會喺今季升班之後大幅採用呢個年青嘅球員,當中有唔少小將嘅表現亦都係非常之亮眼,以隊中16歲嘅黎培基嚟講就係最為驚喜嘅。雖然佢哋首週聯賽慘敗傑志5比0,但係之後佢哋都係踢得不過不失,贏咗一場聯賽入面嗰層就係對住標準流浪。究竟佢哋可唔可以憑青春風暴喺下半季爭取到佳績?我哋就拭目以待,不過你肯定嘅就係佢哋應該係想專心喺菁英盃身上。
咁跟住落嚟要講嘅就係踢得七場嘅香港飛馬。呢隊波可以話係今季咁多對賽前預測最預計唔到㗎。季前陣容睇嚟都好似幾好,但係踢出嚟完全係另一回事,淨係贏過一場嘅啫,而入波數字亦都係並列係尾三,佢哋隊波究竟出咗咩問題大家都唔係太清楚。但係最近嘅消息就係外援文迪斯就將會喺聖誕離隊,原因就係適應唔到香港。呢位中場球員其實今季都踢得幾好㗎,更加一度係被視為飛馬嘅救星,絕對係不知緣故。最觸目就係之前賽和南區之後,將門將張春暉炒咗,雖然佢哋嘅正選係梁興傑,但係呢樣嘢係完全係會打擊球員們嘅士氣。下場將會對住傑志。我個人認為佢係最有降班暗湧嘅球隊。
而係最後講㗎哩就係其實現中規中矩嘅和富大埔,咁目前佢哋踢咗七場聯賽,有兩場嘅係贏波。佢哋今季嘅陣容其實都係幾穩陣㗎,佢哋有唔少球員都喺凱景、夢想以及甚至都係有啲嘅球員嚟至南區。呢對比較趨向年輕嘅球隊喺上季有呢個超聯冠軍光環之下,今季堅sir帶著一班主力離隊。但係亦都冇阻佢哋 ,表現其實亦都係不過不失嘅。佢哋嘅攻擊前線就全靠辛祖以及金玟基,其實亦都係有一定嘅實力。咁大埔今季啦究竟係想爭奪D乜嘢呢我哋仲未知,但係佢哋今日要搵亞冠盃外圍賽嘅教練,究竟馮凱文會請一個點樣教練去應付亞冠盃?佢哋定係會聚焦喺高級組銀牌同埋菁英盃身上?呢對波其實都有好多亮點畀我哋睇。

Source: HKFA

留言


請按此登錄後留言。未成為會員? 立即註冊
  • Stevengngng 於 24/12/2019 評論 NO. 1

    don’t waste your time

  • 蘿蔔炆足球 於 24/12/2019 評論 NO. 2

    Hong Kong Football never waste my time. If we go together to support Hong Kong Football, We go Further.

快捷鍵:←
快捷鍵:→