高美斯離隊:南美聰想落台？ #細路仔看足球

南區足球隊喺facebook宣佈(前鋒)高美斯Nikola Komazec同(中場)溫俊Emmet Wan不獲續約。而我今日嘅重點就係聚焦係高美斯不被續約嘅原因。Mr right同南美聰唔啱key都唔係第一日嘅事，但係冇辦法高美斯有能力，ricky都係要繼續用佢。但係就喺較早前嘅時間，南區竟然突然之間官宣mr.right離開 ，而佢下一站仲未知係邊度。南區失去咗佢之後中鋒究竟會搵邊個打正選？係用單箭頭嘅戰術，定係會起用陳廣豪？始終子彈夏志明最多都係打得半場靚波，之後體力完全唔得，不過呢個都關冠忠南區主守嘅關係。定係佢哋會簽返一個新人返嚟？但係根據南區以往嘅採購方針，一向都係會買啲已經喺港超聯打滾咗好耐嘅人，以免買到一啲質素唔好嘅外援。 查維斯係咪即係可以頂替到高美斯嘅存在？ 究竟呢個係Ricky嘅決定定係管理層嘅決定？呢啲問題我諗只有南區內部嘅職球員先知道。
而高美斯下一站係邊度呢？有傳就係會搵返前隊友劉學銘去理文到，今季理文其實真係好勁南區係咪即係咁傻會將自己嘅核心人物轉會去同自己有機會爭標嘅隊伍，定係佢會唔會再留係香港，遠走高飛？呢啲全部都係球迷嘅猜測，究竟邊個最後會成為贏家搶到高美斯呢？
Source: HKSDFC FB, OFFSIDE.hk, kurrir.rs