南區僥倖贏4比1:不可忽視的隱憂/賽後分析 #細路仔看足球

南區喺斧山道運動場作客大勝愉園四比一。但係我哋唔應該聚焦喺佢哋贏，而係佢哋今日整體嘅表現亦都唔係太好。喺十分鐘嘅時候南區憑一個角球攻勢，魔域治擺烏龍，愉園落後零比一 。但係27分鐘，愉園就憑隊長馬希卡歷嘅射門，火速扳平。雙方喺半場握手言和，但係下半場就係客隊嘅世界，雖然南區一開波嗰陣就表現得比較被動，但係佢哋憑著子彈梅開二度，再加上查維斯嘅12碼，大炒愉園4比1。
首先第一個問題就係防守真係好一般。今杖史必同肥積都表現得唔太好。但係史必以中堅嚟講都勉強合格。但係積施利就真係唔完美兼唔可以接受。肥積上半場都有一兩腳靚波，但係去到下半場好明顯啲波交到好隨便，一啲簡單嘅駁腳都做得唔係幾好，速度非常之慢，回防都成問題，唯一係出波就出得靚啲，交出一個助攻比「子彈」夏志明。
第二個問題就係南美聰嘅換人調動。佢今仗第一個換人就係45分鐘劉浩霖被取替，換入嘅係陳廣豪，咁8號仔今場表現都唔係算太差，都幾好下，所以就應該唔使咁早換上陳廣豪。咁但係第二個換人調動就正常好多，由斌仔換上史必。我覺得比較有爭議嘅就係第三個調動，係由子彈換走Mr.Right高美斯，高美斯今場都踢得幾好，反而查維斯就技遜一籌，所以其實應該係換走查維斯合理D。此外其實Ricky都可以比下機會啱啱傷癒復出嘅迪亞高，加強傳波質素。

雖然今仗贏波係值得開心，但係南區嘅問題顯然易見。究竟Ricky Sir會作出啲咩嘅戰術調整a我哋可以喺星期五，小西灣運動場舉行嘅菁英盃賽事，睇下佢哋對元朗又有咩對策啦！


Source: KCS FB, HVAA FB, HKFA FB