菁英盃B組:紅衫軍南區深水埗苦鬥快活谷/賽後分析 #細路仔看足球

南區喺深水埗運動場嘅菁英盃賽事迎戰愉園，我哋一齊睇下呢一場波嘅賽後評價啦。
一開波嘅時候南區擺出一個343陣式，但係名副其實係一個352。進攻嘅時候，會有一個前線球員落去中場度幫手畀波，所以佢哋嘅攻勢都係好強勁，戰至大概12分鐘，南區喺一個罰球入面憑住大水牛查維斯嘅頭槌取得入球。領先1比0之後，南區一路都係係有一啲嘅攻勢，相反愉園就比較遜色。但係去到三十幾分鐘嘅時候，南區開始將個戰術調得比較保守，引致愉園有幾多嘅機會，有幾球更加係爭啲入。其中馬希卡歷嘅遠射更係只爭一啲，僅中楣彈出。
下半場，南區繼續穩守到尾，佢哋取得嘅射門只係得一個兩個咁。反而愉園嘅攻勢就到肉好多，但係佢哋久攻不入。最終南區憑住上半場入球小勝1-0。

SOURCE: HKFA FB, KC SOUTHERN FB, HKFA.COM