劉學銘外借理文分析 #細路仔看足球

東方同埋理文分別宣布劉學銘外借理文。肯定嘅係學銘可以喺理文擔當一個必然正選嘅位置，但係佢咁樣做有啲球迷就質疑點解一開始唔留喺南區有機會爭冠呢。佢當初離開南區嗰陣，佢一定冇諗過堅sir會帶住成班中後場大埔奪冠球員過嚟東方，而對住元朗一場佢亦都只係喺後備席啫。咁證明堅sir寧願用舊人嘅默契，都唔願意用呢位咁高嘅後衛。
經過呢件事之後，我認為其實大埔會方同堅sir傾唔埋已經應該唔係一日兩日嘅事 ，亦都有而家前大埔嘅中場球員話之前一直有啲欠薪同埋欠獎金嘅事情，咁但係其實都係遲發放，所以我覺得一方面堅sir應該提早解約，就可以令到東方組軍嘅時候唔會出現一啲重疊嘅情況，以及 大埔會方亦可盡早埋班。