輕談新一季南區陣容/守門員篇/季前分析/南區 [[細路仔看足球]]

新一季冠忠南區足球隊，係喺五年計劃入面嘅最後一年，但係教練鄭少聰以及守門員兼隊長謝得謙就話唔怕，因為見到隊長同現役多名球員均已續約。

引用謝德謙：其實我諗過五年計劃都係一個詞語嚟嘅啫。未來呢間球會一定會繼續喺度。

所以，我哋會探索呢隊球隊今年嘅球員名單同埋各自嘅特點啦。
我哋就以官方嘅Facebook及Instagram為我哋嘅參考，我哋就睇下新一季究竟有邊啲球員係會在陣啦。
* 筆者只會介紹某啲嘅球員，有啲球員恕未能喺今日守門員篇介紹啦守門員 :
1 蔡子濤 年齡19歲嘅佢相信喺青英盃嘅時間，會得到更多嘅上陣機會，我哋都可以寄望佢有一啲唔錯嘅表現嘅。
17 李溢晉 作為冠忠南區門將第二把交椅嘅佢，淨係得23歲，年紀輕輕就喺之前謝德謙受傷嘅時間， 有一個重任去擔住支大旗，希望佢可以喺上季港超最後一場比賽敗於元朗一比七後，重拾信心，有一個好嘅表現啦。
29 謝德謙(C) 雖然佢已經34歲，仲結埋婚生埋個女㖭。但係佢仲係龍精虎猛，經常有一啲超靚嘅撲救，都令球迷嘆為觀止可惜喺香港代表隊之下，始終係鬥唔過曾文輝、葉鴻輝等等，一啲具實力嘅守門員。佢喺冠忠南區發揮到作為一個隊長的作用，希望佢來年繼續撲多啲靚波。