2019-20港超/季前分析/各隊主場詳細分析/01 [[細路仔看足球]]

細路仔看足球 於 13/08/2019 發表 收藏文章
2019-2020港超聯賽事即將展開,今日我為大家帶嚟嘅呢個分析入面,我可以為大家帶來4隊嘅主場資訊以及詳細嘅前往方法。方便大家觀賞港超聯賽事,搵主場都冇搵得咁困難呀嘛!

傳統區隊@冠忠南區

首先第一隊帶嚟嘅係冠忠南區足球隊,呢支傳統嘅地區球隊將會新一季移師主場去到旺角大球場。因為佢哋原本嘅主場,香港仔運動場係需要進行一個自舊年颱風山竹侵襲以嚟全面嘅裝修, 將會係同等陣一陣間會介紹嘅球隊傑志一樣共用旺角大球場。

旺角大球場前往嘅方法其實相信一眾球迷都好清楚, 不過我都係不厭其煩咁喺度再詳細講一次。 如果你係搭地鐵嘅話你可以喺太子站A1出口出去,跟住再向花墟嘅方向行。咁你就會見到旺角大球場嘅入口㗎啦。 不過如果搭巴士嘅話其實週邊都有好多條路線係可以去到嘅, 例如九巴1號、1A、2C、2D、3C、6D、12A等等,所以詳情都係要搵番巴士嘅App。

400萬班費球隊@標準流浪
之後就輪到一支捱義氣新一季升班嘅前港甲球隊,標準流浪, 佢哋嘅新一季主場係揀咗喺屯門鄧肇堅運動場。呢個球場過往都係有舉辦過頂級聯賽嘅經驗,但係呢前往方法就可能對一般市民嚟講就比較遠,始終係一大班球迷住喺九龍以及香港島嘅球迷。

跟住呢就要講下屯門鄧肇堅運動場前往嘅方法啦!如果係搭開地鐵嘅朋友可能仲會有少少唔方便 ,因為佢係喺兆康同埋屯門兩個地鐵站之間㗎, 所以搭開地鐵嘅朋友就要喺呢兩個站可以選擇搭返輕鐵505 751 610先去到啦, 落車嘅話就要喺澤豐或者銀圍站度落呀。而巴士方面,亦都可以揀由荃灣站開出嘅66M路線,藍田站開出嘅258D號線或者由灣仔開出嘅960號啦。所以都要預留一段時間啦。

冠軍球隊@和富大埔

之後就輪到是香港新界大埔區的一間地區足球會,成立於2002年,大埔現時於香港超級聯賽角逐,並獲和富冠名贊助,以和富大埔名義參賽。大埔於2006–07球季首次晉升上香港甲組足球聯賽,是歷來首支由香港丙組(地區)足球聯賽晉升上甲組的地區球隊。2018–19球季,和富大埔在作客2–1擊敗爭標對手富力R&F後,提前一輪奪冠,首次榮登港超冠軍,亦成為港超第三支冠軍球隊。

佢哋主場係大埔運動場,建議去嘅方法就係搭地鐵搭到去太和站B出口,再行路去嘅。或者可以搭九巴嘅巴士路線73 72 73A等路線去嘅詳細就要參閱九巴嘅APP。

甲組聯賽冠軍@愉園

呢一支綠衫軍係嚟一屆會升班嘅球隊其中之一。喺早啲嘅時間亦都係可以見到呢啲球隊係香港足球嘅發展, 以往其實直情係可以媲美傑志東方以及南華等老字號。亦都引入咗一啲具實力嘅外援成員,但係成效係點我哋放長雙眼睇下。

佢哋嘅主埸據說係斧山道運動場, 呢個運動場其實係由彩虹地鐵站以及鑽石山地鐵站都會去到,不過只有鑽石山係有售票處入口, 所以其實都係相當方便嘅。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→