麥佳亞紅牌爭議:專家點評 #細路仔看足球

細路仔看足球 於 18/02/2020 發表 收藏文章
車路士同曼聯嘅比賽出現咗多個爭議,我哋今日呢篇文主要嘅聚焦就係睇下,咁多位名宿以及評述等等究竟對於今日場波球證嘅判決有咩睇法?
[預防武漢肺炎 你我戴口罩有責]

首先我哋會講關於哈利麥佳亞嘅爭議當中各位名宿講咗啲乜嘢。
紅魔傳奇堅尼就話哈利麥佳亞今日好好彩,可能係因為佢嘅冷靜嘅 性格,以及佢唔係一個黑人憎嘅球員,又或者係佢嘅英國國籍,所以佢今日冇畀出示紅牌。
前利物浦後衛加歷查就話喺發生呢件事之後,車路士後備席一眾職員都起曬身,但係主教練林柏特以及助教摩利斯都知道麥佳亞同佢哋一樣都係英國國籍嘅,所以佢哋就唔會有過激嘅投訴。佢又補充個球證喺當時睇唔到,但係英超賽場上係有VAR所以如果經過覆檢之後仍然睇唔到呢個行為,咁嘅決定的確會激嬲一眾球迷。
而車路士名宿john terry喺半場睇過重播片段之後,佢認為好肯定係要出示一張紅牌,呢個決定令人好尷尬。
車仔教練林伯特喺賽後就認為哈利麥佳亞係應該被趕離場係好清楚見到 佢嘅犯規動作 而且佢係冇被趕離場呢個錯嘅決定改變咗成場比賽。佢又話呢個錯嘅決定係好重要。因為v.a.r可以帶嚟球賽嘅第二個視覺,而且可以睇到不同嘅角度。佢話唔明白球證點解永遠都唔會睇主螢幕,認為好應該使用佢嚟協助判決。
而當事人哈利麥佳亞賽後回應就係話,我知道我踢到佢,但係我以為佢會跌落嚟剷起我,所以我嘅本能反應就係想用隻腳撐返起我個人企番起身。如果佢正面跌向我,我就會扶返起佢。
曼聯領隊蘇斯克查喺賽後話,究竟麥佳亞冇比紅牌判罰係咪佢好彩?我就唔係咁認為啦,佢首先被巴舒亞伊侵犯,而前者好可能會跌喺佢身上,所以佢伸出佢隻腳,意圖保護自己,但係咁樣就錯誤地擊中咗巴舒亞伊嘅下體。
[預防武漢肺炎 你我戴口罩有責]

所以見到喺車路士同埋曼聯雙方嘅球迷以及職員喺呢件事上都係持好相反嘅意見。而根據bbc喺賽後嘅一個統計顯示有61%嘅球迷都認為應該係將佢以紅牌趕出場,而有11%嘅球迷認為呢個動作絕對唔應該獲發一張紅牌。唔知你哋又點睇呢?
Source: NBCSN, SkySport

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • dingday
    dingday 於 18/02/2020 評論 NO. 1

    good

  • dingday
    dingday 於 18/02/2020 評論 NO. 2

    good

快捷鍵:←
快捷鍵:→