喺今日較早嘅時間，馬會正式宣佈社區盃延期，三場賽事亦都係一樣。咁就會有好多球迷都會留言問:點解琴日兩場高級組銀牌，尤其是喺元朗大球場踢個場，點解就好冇任何嘅延期或者取消？今日我就會喺度，評論一下足總與馬會嘅做法。
首先，今日馬會佢基於安全考慮取消社區盃。某程度上亦都係唔可以特別話怪責佢，因為三場賽事之中其中有一場，係U13隊嘅對決，所以就小朋友嘅安全呢講取消係絕對正確。咁至於其他賽事是否取消，我覺得其實亦係可以繼續踢。因為今日旺角去並無任何示威活動，佢週邊嘅地區亦都係一樣。 咁不過，我諗馬會都係覺得三場賽事，其實都係缺一不可。所以延期嘅做法，算係比較最低風險嘅辦法。
至於琴日兩場高級組銀牌嘅賽事係咪要取消，其實就係足總嘅決定。 咁但係一方面足總係忽略咗喺屯門嘅示威活動，亦都係罔顧咗佢旗下所有嘅職員包括球童及球員嘅安全。本身其實飛馬以及愉園都唔係以元朗大球場為主場，喺球場嘅分配上的確係奇怪咗一啲。而喺咁高風險之下，其實球會亦都可以考慮去申請取消。當然幸好最後場波係冇任何特別嘅事情發生，飛馬亦都好順利以一比零擊敗愉園。不過，琴日其實夜晚元朗都發生咗好多唔同嘅事件，所以足總嘅決定係絕對錯誤。
不過其實就住最近社會運動事件影響有好多因素都係完全不可以估計，包括地點。就好似之前喺第一週賽事，喺旺角場上演嘅南區對流浪賽事之後唔夠四十五分鐘就發生咗太子八三一事件，依啲亦都當然唔係種嘅疏忽，完全係一啲不可估計嘅因素。 不過重點我想講嘅係竹種下次舉辦才是之前係咪可以考慮下球迷、球員、職員嘅安全呢？ 以及如果你將一啲球隊嘅盃賽賽事擺咗去一啲唔係佢主場球場上面嘅時候，其實低入場人數亦係咪其中一部分係你哋嘅責任呢？
請按此登錄後留言。未成為會員? 立即註冊