薛耶治或成車仔救兵 #細路仔看足球

細路仔看足球 於 13/02/2020 發表 收藏文章
現年26歲摩洛哥籍嘅翼鋒薛耶治會喺今夏上車。今次我哋就睇下佢過往嘅數據分析可唔可以媲美到現有嘅翼鋒,例如柏度或韋利安嘅數據。

[預防武漢肺炎 你我戴口罩有責]

佢今季嘅成績簡直係頂級,喺荷甲嘅表現係一流㗎佢今季上陣18次,當中有九次都係被換下,但係佢已經創造咗個人六個入波以及13個助攻,佢平均每237分鐘就射入一個入球,佢總共只係上陣咗1423分鐘,大約十六場波左右,就供應到13個助攻以及六個入球,呢個數字好驚人。

[預防武漢肺炎 你我戴口罩有責]

如果你睇埋佢今季歐聯嘅紀錄,你會更加驚喜。因為佢今季歐聯淨係上陣咗六場 ,當中四場係被換下,但係佢已經貢獻咗兩入球以及五助攻,上陣咗五點五場都唔夠嘅時間下,呢個數字絕對係非常厲害。
[預防武漢肺炎 你我戴口罩有責]

吸引到車路士嘅原因無他,就係夠平。根據足球網站transfer market嘅推算喺 2019年12月嘅數據佢嘅市值係50萬歐元 ,據聞車路士出42.5萬歐元去搶佢返嚟,佢最後真係轉會車路士。車路士係最大贏家,而吸引到車路士買佢應該就喺主場4比4 和咗阿積士歐聯一戰入面,佢上陣咗72分鐘但係就貢獻咗三個助攻,呢個可能係吸引到車仔領隊林柏特嘅主要原因。
[預防武漢肺炎 你我戴口罩有責]

以佢咁驚人嘅數據我諗佢去英超完全都係適應到,比起韋利安甚至更上一層樓,車路士真係就發達啦。

Source: Transfer Market, Bleacher report, football. london, Hamza ELKAYYAL Twitter

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→