從武漢肺炎看出的問題 #細路仔看足球

細路仔看足球 於 23/01/2020 發表 收藏文章
首先同大家講嘅就係原定係年初二舉辦嘅賀歲盃將會取消。但係取消呢一件事上面,我反而就見到一啲問題,所以今日我哋就一齊嚟睇一睇。
[預防武漢肺炎 你我戴口罩有責]

最大嘅問題就係見到HKFA同埋香港政府嘅交流完全係缺乏。個問題就係點解喺 幾個鐘之前FA先啱啱開完記者會交代賀歲盃賽事安排,仲出曬post咁。咁但係隔咗個半鐘之後,署理行政長官張建宗就宣布賀歲盃會取消。雖則話香港足總係一個私人機構,唔係隸屬於政府,但係佢哋兩個機構點解可以完全冇溝通過?我諗取消呢個決定唔係喺個半鐘之內係提出?如果係臨時臨急提出咁仲衰,即係話佢應該係冇諮詢過足總嘅意見?好多時政府做太多嘢令人懷疑,就好似如果係咁咁點解要 曬一個晏晝叫啲傳媒朋友去聽個記者會,跟住聽原來係取消。咁當然有疫情大家都唔想,但係點解政府可以一次又一次咁樣去拖延呢個問題,其實取消佢早幾日已經可以講。早幾日已經係有好多嘅個案係中國大陸入面,其實係咪真係要下下殺到埋身先知驚?
loading
[預防武漢肺炎 你我戴口罩有責]

第二個問題就係港超聯所有餘下賽事喺廣州踢嘅應該如何是好?眾所周知港超有對麼叫富力r&f,佢哋嘅主場係廣州燕子崗球場。咁但係廣東省已經確診咗26宗武漢肺炎嘅情況下點樣可以令到球員喺上面踼得安心?咁定係會話臨時更換富(畜)力嘅主場移師去到小西灣?如果繼續揀喺廣州踢,其實真係攞所有本地足球員嘅生命去較飛,希望足總盡快有個交代。

Photo: HKFA

如果喜歡我們的文章,請即分享到︰

留言


請按此登錄後留言。未成為會員? 立即註冊
  • Stevengngng 於 24/01/2020 評論 NO. 1

    who cares Hong Kong football

快捷鍵:←
快捷鍵:→