從奧斯爾事件提出中國對英超的影響 #細路仔看足球

細路仔看足球 於 28/12/2019 發表 收藏文章
奧斯爾(Mesut Özil)因為批評中國喺新疆起集中營嘅控制維吾爾族人民嘅思想,並要求佢哋立即停止呢啲嘅行為。 呢樣嘢惹來中國方面極度嘅反感,央視更加係停止播放阿仙奴嘅比賽。我哋就會喺呢件事件上睇下究竟中國嘅權勢同金錢對英超係有咩影響。
索爾福德商學院體育企業學系教授西蒙就表示,英超唔評論呢件事係絕對合理㗎。因為如果英超喺呢件事上面有一啲對中國唔好嘅評論,其實咁樣係會對佢造成極大嘅損失。現時英超賣畀中國體育平台PP體育嘅交易係簽咗三年約,佢哋嘅合約估計高達5億英鎊,咁樣對英超嚟講係絕對唔抵㗎。呢個亦都係佔咗成個英超轉播費收入嘅一成,所以英超係呢件事而言亦都係寧願爲岐視事件等發聲,亦都唔會維護任何為中國表態嘅運動員。
中國嘅財源喺英國足球界嚟講相當重要。喺20隊英超入面,狼隊係由中資企業全權擁有。上屆冠軍曼城亦都有12個百分比係由中國嘅商家擁有㗎。此外,般尼茅夫同埋水晶宮,佢哋亦都係有嚟自中國嘅贊助,所以中國商家對而家嘅英超球隊都係有一個極大嘅財源資助。如果佢哋一發聲,好大機會就會畀人cut走資金,甚至會賣走間球會佢,亦係令佢哋都間接失去咗發聲嘅權利。
可見其實無論英超同埋球會佢根本就係因為利益所以就唔可以去維護奧斯爾以及其他球員去發聲,究竟係咪一個球會或者一個團體可以為金錢而捨棄所有嘢包括良知以及發聲嘅自由呢?擁有權其實就喺佢哋度,揀唔揀都係佢哋去做。但係可以話畀你聽未來嘅趨勢就係中國喺英超佔嘅百分比應該係會持續上升。
Source: SCMP.com, Troll Football, Stand News, Sonny Bill Willams Twitter

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→