如何提升香港足球入座率2/從日韓足球取經/季前分析 [[細路仔看足球]] 精選

上一次，講完最具爭議性，亦都係最能夠提供效益嘅賭波合法化呢個議題之後。今日，我就會從以往入場真係睇過嘅日職以及韓國足球聯賽，去睇下點樣從中取經，改善香港足球入座率。
首先，第一個辦法就係喺每一隊嘅主場增設一個大螢幕。 正如日本同埋韓國嘅足球聯賽公佈正選名單嘅時候，佢會喺嗰個大螢幕嗰度播放相關嘅動畫，又或者喺 換人時間亦都會播放相關嘅資訊。香港嚟講，其實可以播放文字，甚至係可以播放動畫，而家所了解香港的運動場大螢幕係做到呢個功能㗎。呢樣嘢所需嘅費用並唔昂貴，可以由政府出資興建一個新嘅大螢幕，只需要由足總或者球會自行製作於動畫，花費嘅金錢亦都唔算太高。 當然呢樣嘢，並唔見得可以直接提升入座率，但係至少可以令到氣氛更好，甚或係提高個主場嘅代表性。 更重要嘅原因，係有時候廣播系統可能係有問題，或者宣佈者個人嘅聲量較細，根本就聽唔到球員嘅名單或者入球係有邊個射入，加入文字或者動畫嘅顯示就可以令球迷更清楚知道。當然呢樣嘢而家係可加可唔加，但係所需嘅費用唔係太高，亦都係其中一個可行性嘅建議。第二，可以好似上季夢想F C擺設嘅攤位咁樣出啲小遊戲，贏咗嘅人可以獲得一啲小獎品。呢樣嘢喺日本或者韓國嘅足球都係有用到，當然佢哋嘅規模係更大，而且更好玩，不過香港呢個小小城市入面，都可以做一啲比較細嘅遊戲，畀一啲細路仔玩，更係可以畀一啲球迷玩㗎。 呢樣嘢增加咗入場睇波嘅趣味性，吸納更多嘅家庭型球迷。
第三，亦都可以喺個別嘅主場由香港足總或者球會，自己安排一啲接駁嘅巴士，可能例如屯門嗰個場咁樣，係比較隔涉或者一啲作客嘅賽事亦都可以咁樣嘅安排。日本我睇嗰場波亦有呢個措施，同類型嘅嘢其實一啲球會例如南區已經實施緊，或者一啲球會北上廣州睇波嘅團亦都係有咁樣做。所以相信推行嘅難度唔算太大，雖然金額上長期嚟做嘅話係比較可能相對上金錢要多少少，但係可能只係某些賽事提供就可以令球迷唔使轉車，或者係比較方便咁約到一班球迷一齊搭同一架車去。
雖然今次嗰啲方法係比第一集係成效更低，不過亦都係相對上比較容易做，亦都係間接令入座率會提升。不過呢都係純粹FF廢噏嘅建議，真正實現就會有一定嘅難度嘅，所以我哋都係多啲入場支持香港嘅足球就係最直接最直接嘅方法。