曼聯要買人 最緊要有運
【距離轉會窗完結仲有……個幾禮拜】打左兩場，全取六分，威威食雞。但表現係咪咁好，大家心照，進攻圍住禁區邊做，但起唔到腳。防守仲掂，屎波寧可以掂兩腳就幫人做個三打三。要好似猁咁，談冠談得句句有力，字字鏗鏘，一前一後可能都要考慮。
前面即係柏度，已經講到實牙實齒咁，但又冇左回事。今日加泰公眾報指，鏝城收購迪布尼失敗之後，已經轉向柏度，仲已經出左正式報價，疤塞果邊就話睇下曼聯係咪真係都會bid喇。鏝係咪真係咁想要就冇乜人會知，但係抬價呢個動作已經做左，幾可肯定曼聯要買又要比多幾舊水。
另一個，拖肥中堅史東斯。舒利亞已經公開盛讚過呢個廿一碎英格蘭中堅，佢話呢個o靚仔只要吸收多啲經驗，唔好下下都飛身剷，改善下啲決定，以而家能跑能頂，他日必成大器，同曼聯向來嘅風格非常吻合。傳奇前鋒讚到咁，梗係唔野少，所以呢，軌已經出左份三千萬報價，但拖肥即刻拒絕。
簽人，從來唔係只係講錢，係要講運！
如果冇熟人介紹，冧唔掂個球員，就算比你簽到，輸經紀費都輸多幾舊。柏度呢單，好睇佢自己點諗，即係等運到。而史東斯，就睇曼拖兩會交情，有冇人可以從中作梗，要馬天尼斯放棄呢個上季幾乎打足嘅細路。人脈打唔打得通，又係講運。
冇運，點會強大？！
more to follow
https://www.facebook.com/WEAREULD
請按此登錄後留言。未成為會員? 立即註冊