文：蘭斯貝利
早前足總盃，曼城大炒屈福特，成為國內聯賽盃賽三冠王，有幾勁？歷史首次一年同時奪得英格蘭頂級聯賽、足總盃及聯賽盃三項冠軍。本身講曼城其實都無咩好寫，偏偏英國傳來一項都幾震撼的消息：
估唔到，第一個話走嘅，就係隊長。甘賓尼決定離開曼城，並來季成為母會安德列治的球員兼教練，為期三年。
上個星期先寫完佢世界波絕殺李城，今日聽到佢走，真係好可惜。筆者一直覺得，甘賓尼的精神力同領導力，係近年少見，套用番甘賓尼作為一個打工仔，佢真係無敵，年紀雖然唔細，但勝在有經驗，好有魅力，在公司需要佢之時挺身而出，唔會卸責，帶領班手足更創高鋒，相信無論係開水喉的大老細文蘇爾、波士哥迪奧拿、其他曼城的球星，都會好欣賞呢位鐵血隊長。文蘇爾在甘賓尼話走之後，仲話9月同佢搞告別賽，風光離隊。而且，最令我欣賞的係佢寫俾球迷的告別信。筆者知佢中文唔好，所以容許我用有限的英文去翻譯俾大家睇。你睇完，你會知呢位球員真係好值得我地敬重。
各位：
社區盾！冧莊聯賽杯冠軍！冧莊聯賽冠軍！足總杯冠軍！
我地一齊見證咗一個令人難以置信嘅球季。
呢年係我喺曼城嘅第十一年，講真，寫完我都唔敢信，但，亦係身為藍軍嘅最後一年。我成日都想像呢一日會點，話晒踢咗咁多年，告別都係近在咫尺嘅事，但呢種感覺都係唔真實，好似發緊夢咁。
一切一切，都係曼城俾我，所以我都盡我所能去回報番呢隊波，試問有多少個球隊可以有機會以一種偉大的方式，代表一間有悠久歷史同傳統的球隊征戰多年，同埋寫低咁重要嘅一頁？
但而家，我係時候走了。
呢單消息的確幾震撼，但呢刻，我只心存感激。我要多謝呢隊球隊嘅所有人，同埋所有一直支持我走完呢後夢幻旅程嘅人。
我依然記得，自己嚟到呢度嘅第一天，就好似最後一日咁清晰，曼徹斯特人俾我嘅無限支持善意，我都記得。
我永遠都唔會忘記，曼城球迷無論高山、無論低谷，都一如既往，對球隊死心塌地。儘管困難重重，但你地總會背後支持我，激勵成為一個永不放棄嘅男人。
文蘇爾改變了我嘅生命，亦改變了全世界曼城球迷嘅生命，對此我永遠心存感激。藍色帝國已經崛起，並向著既定秩序發起強大嘅挑戰，感覺，好爽。
我都好珍惜穆巴拉克俾嘅建議同埋佢嘅領導，曼城而家真係好到無得頂。
咁講真係好老套，但堅係真嘅，無我班隊友，就無今天。我地一齊打咗好多場仗，順境逆境，一齊並肩作戰。所以由2008–2009球隊到今天嘅三冠王陣容中的每一位，我都要多謝你地!
當然仲要特別鳴謝哥帥同埋背後的助教職員：你地好勁，陪住我走過好多艱難困苦嘅時刻，光頭，係你令我每次都變得更強大，多謝你。
現在，我想喺呢度表達我對我最親密嘅人嘅愛，呢種愛，無遠弗屆。包括我老婆Carla, 仔女Sienna, Sire 同埋Kai，佢地四個係最重要嘅人。仲有我老豆Pierre以及家姐Christel 、 細佬François，佢地係我心目中真正無敵嘅英雄。我得一個遺憾，就係我好想帶我媽媽Jocelyne(已因病去世)去曼城主場，等佢坐喺孫仔、新抱隔離，唱著曼城隊歌，我希望佢見到我開心，見到佢個仔在愛嘅球隊入面裡踢鍾意嘅比賽。
喺我內心深處，我知道佢一直同我地一齊。
甘賓尼。
帶著榮譽離開，尋求新挑戰，恭喜甘賓尼。不過，筆者就暫且在此文提出一個疑問：當一位咁有統治力的球員離隊，到底有冇球員可以接下隊長、精神領袖呢個重任？筆者一向都好欣賞哥迪奧拿，因為佢的思維、戰術都具前瞻性。早在兩年前，筆者曾在一文章寫道：
但如果要雞蛋裡挑骨頭的話：
哥迪奧拿唔係一個擅長培養一個好球員成為球隊領袖的教練。
例子？美斯…如果美斯有領導力...當然無如果。所以，哥迪奧拿離開巴塞後一直未能帶領拜仁同曼城拎歐聯，甚至入決賽，當中會唔會就係無咗一個靠自己可以改變局勢的一位？球員在哥帥體系下，長期的穩定及紀律性，其實也不多不少伴隨住一點依賴...所以哥帥來季，需要搵一個好有擔當重任的隊長去帶領曼城。甘賓尼走，來季會否有隱憂？現刻言之尚早，但不容忽視啊。
祝福甘賓尼在母會中有更好的機遇同發展。
一個有料之人，去到邊，都會矚目，如果仲識得飲水思源，感激過往，佢就會稱得上偉大。
無論撐邊隊的球迷想分享、想用文字記得自己對球隊的點滴，歡迎嚟足字室！如喜歡我地的文章，請訂閱我地的專欄，亦都可以關注我地Facebook Page，球壇最新動態盡在此！
早前足總盃，曼城大炒屈福特，成為國內聯賽盃賽三冠王，有幾勁？歷史首次一年同時奪得英格蘭頂級聯賽、足總盃及聯賽盃三項冠軍。本身講曼城其實都無咩好寫，偏偏英國傳來一項都幾震撼的消息：
估唔到，第一個話走嘅，就係隊長。甘賓尼決定離開曼城，並來季成為母會安德列治的球員兼教練，為期三年。
上個星期先寫完佢世界波絕殺李城，今日聽到佢走，真係好可惜。筆者一直覺得，甘賓尼的精神力同領導力，係近年少見，套用番甘賓尼作為一個打工仔，佢真係無敵，年紀雖然唔細，但勝在有經驗，好有魅力，在公司需要佢之時挺身而出，唔會卸責，帶領班手足更創高鋒，相信無論係開水喉的大老細文蘇爾、波士哥迪奧拿、其他曼城的球星，都會好欣賞呢位鐵血隊長。文蘇爾在甘賓尼話走之後，仲話9月同佢搞告別賽，風光離隊。而且，最令我欣賞的係佢寫俾球迷的告別信。筆者知佢中文唔好，所以容許我用有限的英文去翻譯俾大家睇。你睇完，你會知呢位球員真係好值得我地敬重。
各位：
社區盾！冧莊聯賽杯冠軍！冧莊聯賽冠軍！足總杯冠軍！
我地一齊見證咗一個令人難以置信嘅球季。
呢年係我喺曼城嘅第十一年，講真，寫完我都唔敢信，但，亦係身為藍軍嘅最後一年。我成日都想像呢一日會點，話晒踢咗咁多年，告別都係近在咫尺嘅事，但呢種感覺都係唔真實，好似發緊夢咁。
一切一切，都係曼城俾我，所以我都盡我所能去回報番呢隊波，試問有多少個球隊可以有機會以一種偉大的方式，代表一間有悠久歷史同傳統的球隊征戰多年，同埋寫低咁重要嘅一頁？
但而家，我係時候走了。
呢單消息的確幾震撼，但呢刻，我只心存感激。我要多謝呢隊球隊嘅所有人，同埋所有一直支持我走完呢後夢幻旅程嘅人。
我依然記得，自己嚟到呢度嘅第一天，就好似最後一日咁清晰，曼徹斯特人俾我嘅無限支持善意，我都記得。
我永遠都唔會忘記，曼城球迷無論高山、無論低谷，都一如既往，對球隊死心塌地。儘管困難重重，但你地總會背後支持我，激勵成為一個永不放棄嘅男人。
文蘇爾改變了我嘅生命，亦改變了全世界曼城球迷嘅生命，對此我永遠心存感激。藍色帝國已經崛起，並向著既定秩序發起強大嘅挑戰，感覺，好爽。
我都好珍惜穆巴拉克俾嘅建議同埋佢嘅領導，曼城而家真係好到無得頂。
咁講真係好老套，但堅係真嘅，無我班隊友，就無今天。我地一齊打咗好多場仗，順境逆境，一齊並肩作戰。所以由2008–2009球隊到今天嘅三冠王陣容中的每一位，我都要多謝你地!
當然仲要特別鳴謝哥帥同埋背後的助教職員：你地好勁，陪住我走過好多艱難困苦嘅時刻，光頭，係你令我每次都變得更強大，多謝你。
現在，我想喺呢度表達我對我最親密嘅人嘅愛，呢種愛，無遠弗屆。包括我老婆Carla, 仔女Sienna, Sire 同埋Kai，佢地四個係最重要嘅人。仲有我老豆Pierre以及家姐Christel 、 細佬François，佢地係我心目中真正無敵嘅英雄。我得一個遺憾，就係我好想帶我媽媽Jocelyne(已因病去世)去曼城主場，等佢坐喺孫仔、新抱隔離，唱著曼城隊歌，我希望佢見到我開心，見到佢個仔在愛嘅球隊入面裡踢鍾意嘅比賽。
喺我內心深處，我知道佢一直同我地一齊。
甘賓尼。
帶著榮譽離開，尋求新挑戰，恭喜甘賓尼。不過，筆者就暫且在此文提出一個疑問：當一位咁有統治力的球員離隊，到底有冇球員可以接下隊長、精神領袖呢個重任？筆者一向都好欣賞哥迪奧拿，因為佢的思維、戰術都具前瞻性。早在兩年前，筆者曾在一文章寫道：
引用「 哥迪奧拿是一個極度自信的主帥，而且頗有霸者的風範。...做咩姐，Quote下自己講嘢嘛。
將曼城門將祖赫特流放意甲、斗膽將阿古路放在後備席、得罪他的耶耶托尼需要道歉才能解封。可想而知，比起靠人緣友好去拉攏戰將的領隊，哥帥是以戰術、思維去折服球員。」
(蘭斯貝利, 2017)
但如果要雞蛋裡挑骨頭的話：
哥迪奧拿唔係一個擅長培養一個好球員成為球隊領袖的教練。
例子？美斯…如果美斯有領導力...當然無如果。所以，哥迪奧拿離開巴塞後一直未能帶領拜仁同曼城拎歐聯，甚至入決賽，當中會唔會就係無咗一個靠自己可以改變局勢的一位？球員在哥帥體系下，長期的穩定及紀律性，其實也不多不少伴隨住一點依賴...所以哥帥來季，需要搵一個好有擔當重任的隊長去帶領曼城。甘賓尼走，來季會否有隱憂？現刻言之尚早，但不容忽視啊。
祝福甘賓尼在母會中有更好的機遇同發展。
一個有料之人，去到邊，都會矚目，如果仲識得飲水思源，感激過往，佢就會稱得上偉大。
無論撐邊隊的球迷想分享、想用文字記得自己對球隊的點滴，歡迎嚟足字室！如喜歡我地的文章，請訂閱我地的專欄，亦都可以關注我地Facebook Page，球壇最新動態盡在此！
請按此登錄後留言。未成為會員? 立即註冊