文：蘭斯貝利
各大聯賽已經去到衝刺階段，而英超可謂要鬥到最後！
呢幾晚賽果不意外
全部強隊都能夠在主場擊敗對手，
而曼城利物浦繼續以一分之差互咬不放，
前四更加係爭崩頭。
趁有空檔，講下少少最新走勢同分析！
❶ 無敵曼城，三線作戰，力爭四冠，不過以兵源及體力，未必係輸蝕果隊。
觀乎最近表現，早早上半場已經領先，然後下半場等待比賽完結，相比起競爭對手最後關頭先拎三分，真係談笑用兵。
唯一關鍵，就是歐聯及聯賽連續三場遇上急需搶分打入前四的熱刺，禍福難料，
如果歐聯晉級，來到聯賽，熱刺隨時報仇搞局，真係微妙。
而且，仲有一場作客曼聯，奧脫福能否全取三分，可以說是最後爭冠的關鍵一役。
聯賽餘下賽程：
客對水晶宮
主對熱刺
客對曼聯
客對般尼
主對李斯特城
客對白禮頓❷ 利物浦上場絕殺熱刺，餘下最大對手就是車路士，主場之利下會否能打破當年謝四夢魘？
沙拿上場造就烏龍球，雖然入17球的他被人抨擊實在矯枉過正，但最後階段無晒威力，的確係會令利迷又愛又恨。賽程上，利記都已經無晒之前辛苦建立的優勢，如果今季利記全英超輸波最少但都要屈居第二，真伙喊都無謂。雖然筆者唔係利迷，但利物浦最大的敵人，從來都只係自己。聯賽餘下賽程：
客對修咸頓
主對車路士
客對卡迪夫城
主對哈特斯菲
客對紐卡素
主對狼隊
❸ 首先都要講聲，恭喜熱刺可以有新主場，贏頭糊有個好開始。「未來是你們的！」
觀乎熱刺，克服早前不濟表現，餘下賽程最惡啃的就是於歐聯及聯賽連對曼城三次，有趣的是，會否無面到一場都唔贏？哥帥好恨要歐聯，而熱刺都好想創造歷史打入四強，等大家繼續去佢地個唯一可以睇歐聯的倫敦主場。究竟聯賽果場會係曼城笑到最後，定熱刺客場痛擊對手？
其實新球場都真係幾有霸氣，有機會去踩下場都好呀。聯賽餘下賽程：
主對哈特斯菲
客對曼城
主對白禮頓
主對韋斯咸
客對般尼茅夫
主對愛華頓
❹ 雖然係阿迷，但筆者對前四其實唔算樂觀。阿仙奴雖然對晒Big6，好似賽程上有利，但五場作客實在令人擔憂，仲要係六隊中最多作客的一隊。拿卡錫迪同奧巴美揚兩個前鋒一去到客場就唔太識入波，特別係作客仲要對愛華頓同狼隊，真心凶多吉少。所以嚟到呢刻，筆者覺得都收貨，話晒分數已經追上上季，愛美利的執教，至少保持到阿仙奴的競爭力有餘啦。
至於有冇前四真係睇意志，同埋睇對手失準與否。不如諗下真正將西維爾盃變成愛Sir 盃仲實際。
聯賽餘下賽程：
客對愛華頓
客對屈福特
主對水晶宮
客對狼隊
客對李斯特城
主對白禮頓
客對般尼
❺車路士要作客曼聯同利物浦，咁就要睇沙利可以發揮到幾多後備實力。奧度爾基奧特今場對白禮頓的先開紀錄，識得用其實好好用，唔通希古恩咩。
車仔作客今季真係令車迷頭痛，不過主場之利加夏神，唔好睇小。
聯賽餘下賽程：
主對韋斯咸
客對利物浦
主對般尼
客對曼聯
主對屈福特
客對李斯特城
❻ 至於曼聯，即使餘下六場全取18分，都過唔到尋晚贏波的曼城，遺憾地宣佈退出後上奪冠行列。雖然蘇斯克查坐正後無晒作客光環，但係睇賽程，唔計歐聯對巴塞作客，聯賽大多主場出擊，絕對掌握前四同決定邊個係冠軍的權力。筆者都幾好奇曼聯球迷對曼城果場會係用咩心態去應對？輸波就無面，和波贏波益利物浦，點算好？
聯賽餘下賽程：
主對韋斯咸
客對愛華頓
主對曼城
主對車路士
客對哈特斯菲
主對卡迪夫城
最後筆者估下前四最後會係點：
利物浦、曼城、熱刺、阿仙奴。
去我地個Page，留低你的前四心水，估中隨時有驚喜！ 
除了訂閱我們的專欄，
仲可以在Facebook Like我們的專頁 — 足字室
各大聯賽已經去到衝刺階段，而英超可謂要鬥到最後！
呢幾晚賽果不意外
全部強隊都能夠在主場擊敗對手，
而曼城利物浦繼續以一分之差互咬不放，
前四更加係爭崩頭。
趁有空檔，講下少少最新走勢同分析！
❶ 無敵曼城，三線作戰，力爭四冠，不過以兵源及體力，未必係輸蝕果隊。
觀乎最近表現，早早上半場已經領先，然後下半場等待比賽完結，相比起競爭對手最後關頭先拎三分，真係談笑用兵。
唯一關鍵，就是歐聯及聯賽連續三場遇上急需搶分打入前四的熱刺，禍福難料，
如果歐聯晉級，來到聯賽，熱刺隨時報仇搞局，真係微妙。
而且，仲有一場作客曼聯，奧脫福能否全取三分，可以說是最後爭冠的關鍵一役。
聯賽餘下賽程：
客對水晶宮
主對熱刺
客對曼聯
客對般尼
主對李斯特城
客對白禮頓❷ 利物浦上場絕殺熱刺，餘下最大對手就是車路士，主場之利下會否能打破當年謝四夢魘？
沙拿上場造就烏龍球，雖然入17球的他被人抨擊實在矯枉過正，但最後階段無晒威力，的確係會令利迷又愛又恨。賽程上，利記都已經無晒之前辛苦建立的優勢，如果今季利記全英超輸波最少但都要屈居第二，真伙喊都無謂。雖然筆者唔係利迷，但利物浦最大的敵人，從來都只係自己。聯賽餘下賽程：
客對修咸頓
主對車路士
客對卡迪夫城
主對哈特斯菲
客對紐卡素
主對狼隊
❸ 首先都要講聲，恭喜熱刺可以有新主場，贏頭糊有個好開始。「未來是你們的！」
觀乎熱刺，克服早前不濟表現，餘下賽程最惡啃的就是於歐聯及聯賽連對曼城三次，有趣的是，會否無面到一場都唔贏？哥帥好恨要歐聯，而熱刺都好想創造歷史打入四強，等大家繼續去佢地個唯一可以睇歐聯的倫敦主場。究竟聯賽果場會係曼城笑到最後，定熱刺客場痛擊對手？
其實新球場都真係幾有霸氣，有機會去踩下場都好呀。聯賽餘下賽程：
主對哈特斯菲
客對曼城
主對白禮頓
主對韋斯咸
客對般尼茅夫
主對愛華頓
❹ 雖然係阿迷，但筆者對前四其實唔算樂觀。阿仙奴雖然對晒Big6，好似賽程上有利，但五場作客實在令人擔憂，仲要係六隊中最多作客的一隊。拿卡錫迪同奧巴美揚兩個前鋒一去到客場就唔太識入波，特別係作客仲要對愛華頓同狼隊，真心凶多吉少。所以嚟到呢刻，筆者覺得都收貨，話晒分數已經追上上季，愛美利的執教，至少保持到阿仙奴的競爭力有餘啦。
至於有冇前四真係睇意志，同埋睇對手失準與否。不如諗下真正將西維爾盃變成愛Sir 盃仲實際。
聯賽餘下賽程：
客對愛華頓
客對屈福特
主對水晶宮
客對狼隊
客對李斯特城
主對白禮頓
客對般尼
❺車路士要作客曼聯同利物浦，咁就要睇沙利可以發揮到幾多後備實力。奧度爾基奧特今場對白禮頓的先開紀錄，識得用其實好好用，唔通希古恩咩。
車仔作客今季真係令車迷頭痛，不過主場之利加夏神，唔好睇小。
聯賽餘下賽程：
主對韋斯咸
客對利物浦
主對般尼
客對曼聯
主對屈福特
客對李斯特城
❻ 至於曼聯，即使餘下六場全取18分，都過唔到尋晚贏波的曼城，遺憾地宣佈退出後上奪冠行列。雖然蘇斯克查坐正後無晒作客光環，但係睇賽程，唔計歐聯對巴塞作客，聯賽大多主場出擊，絕對掌握前四同決定邊個係冠軍的權力。筆者都幾好奇曼聯球迷對曼城果場會係用咩心態去應對？輸波就無面，和波贏波益利物浦，點算好？
聯賽餘下賽程：
主對韋斯咸
客對愛華頓
主對曼城
主對車路士
客對哈特斯菲
主對卡迪夫城
最後筆者估下前四最後會係點：
利物浦、曼城、熱刺、阿仙奴。
去我地個Page，留低你的前四心水，估中隨時有驚喜！
除了訂閱我們的專欄，
仲可以在Facebook Like我們的專頁 — 足字室
請按此登錄後留言。未成為會員? 立即註冊