【球場以外系列 - 英超具高學歷的球員教練】 精選 推薦

文：蘭斯貝利

古語有云：「仗義每多屠狗輩，職安總有真漢子」
足球場上的球星，其勇悍、瀟灑、華麗往往令球迷嚮往不已。
但如果球場之外，能顯出四肢發達，智商過人，
便能由真漢子昇華至真男人！
筆者現與大家談談英超現役幾個讀書又勁運動又叻的真男人。


1. 鄧肯禾特摩亞 (Duncan Watmore) - 首位英超球員獲得經濟及企業一級榮譽學士學位

年僅21歲的禾特摩亞，現效力新特蘭，是前足總CEO伊恩禾特摩亞的兒子，
近七場英超亦有上陣，暫時射入兩球
近月大個仔畢業，以一級榮譽畢業，認真叻仔
上季禾特摩亞仲奪得英超U21的最佳球員！
大家不妨留意呢個後生仔啦！



2. 馬達 (Juan Mata) - 雙修體適能教育、市場行銷

由華倫西亞、到車路士、再到曼聯，馬達仍然是一個公認用頭腦踢波的球員
當年馬達轉會車路士時更繼續遙距教學，真係又好波又勤力
在西班牙馬德里大學讀新聞系的他，語文能力甚有天賦，
初來英超報到已經用全英文接受採訪！
雖然對佢效力過的英超球隊素來感覺麻麻 (笑)
但筆者真心欣賞呢位球員。


3. 法明尼 (Mathieu Flamini) - 棄做律師：比力量大家撐落去！

筆者一個又愛又恨的阿記球員，曾記得當年自由轉會AC米蘭離開阿記的時候，法叔被人稱為Flamoney
到如今再度回歸，完成使命，為阿記帶來足總獎盃，早排梅開二度聯賽盃射破熱剌，
數口精的佢，原本真係可以做律師。
法叔曾於馬賽大學修讀法律。可惜法律系功課繁重，最後要在足球及學業二揀一！
或者因為佢出身於中產家庭的關係，令佢可以放棄唔做律師，成為一個職業足球員
但係亦都因為佢肯追夢，成就阿迷的「打碌撚」。


順帶一提，阿記主場只要有法明尼上陣，係未輸過。最新數字為52場不敗。
另外法叔有一間能源公司叫GF Biochemicals，市值200億英磅。
仲有，唔知點解佢同奧斯爾特別老友...hehe


4. 比歷 (Slaven Bilić) - 擁有法學碩士學位
講起教練，大家都知雲加有經濟學碩士頭銜，但筆者認為教授之名已在他任內的買人政策上印證 (你懂的)
所以特別說說今年擔任韋斯咸的主帥比歷。比歷曾踢過韋斯咸，帶領克羅地亞於1998年世盃勇奪季軍
佢係土生土長的克羅地亞人，但語言天份都好勁，精通德、意、英三國語言


大家可能都知佢好鍾意夾Band，自己有隊樂隊叫Rawbau，在樂隊，佢係一個鍾意用紅色Gibson Explorer的伴奏結他手
筆者仲發現比歷來自書香世家，爸爸係大學副校長，而佢真係一個執業律師，果真鬼才！

如喜歡足字室的朋友，請在Facebook Like我們的專頁
https://www.facebook.com/wearesalarymen/


如不想錯過最新內容，可在專頁Liked/已讚好按下Get Notifications/接收通知。
歡迎大家轉載我們的文章，感謝各位支持！