【陋室雜談:歐洲國家聯賽知多少】

足字室 於 04/09/2018 發表 收藏文章
文:蘭斯貝利

經過周末周日的激戰後,
馬體會爆冷輸波,西甲有在那天炒八比二的巴塞及後C朗時代的皇馬率先彈出;
熱刺作客反勝為敗,四連勝的球隊有車路士、利物浦及屈福特!!
而意甲祖雲達斯全勝排榜首,拿坡里被森多利亞大炒真係完全令人估唔到。
至於德甲只踢了兩輪...筆者懶得提了(笑)
接下來,戰線將會變成國家,但9月6日開始的,並不是單純的友賽,
而是有線有得播的歐聯!
足字室無謂各位捉字蚤,講清楚少少,係歐洲國家聯賽!

① 點解會有歐洲國家聯賽?

歐洲國家聯賽係UEFA旗下五十五個國家角逐嘅全新賽事,
過往大家對友賽其實重視程度不大,所以用一個聯賽取代過往雞肋的友賽,一來增加比賽競爭性及投入度,球隊更有機會得到2020歐洲國家盃決賽周入場券,
對向來的足球大國絕對是多了一個穩陣出線的機會(你見今屆世界盃無意大利同荷蘭其實好多球迷都好失望),而對小國,就會係一個入場的捷徑,所以有一定程度的可觀性。

② 賽制咩玩法?
今屆係歐洲國家聯聯的第一屆,之後每兩年一屆,各國會以自己歐洲足協排名
分成A、B、C、D,四個級別
A級聯賽有12隊
B級聯賽有12隊
C級有15隊,
而D級就係餘下的16隊。

之後每個級別的聯賽再細分4組,
每組由三到四個國家進行主客比賽。當中A級聯賽四隊首名將會進行四強淘汰賽,決定冠軍誰屬
而四支小組包尾則要降班,由B級四組首名取代,如此類推,而D級聯賽因為已經係食物鏈最低而不設降班。

整個賽事其中一個吸引之處:
2020年歐國盃決賽周,會有24支球隊參加,
其中20席會經傳統的外圍賽決出,暫定所有球隊分為10組,每組5至6隊,小組頭兩名晉級;
至於餘下四席就來自四級的國家聯賽!
每個級別聯賽入面,如果該國唔可以在歐國盃外圍賽入到首次名,
但他們在歐洲國家聯賽小組首名的話,就可以透過踢附加賽來取得決賽周名額!

③ 嚟緊有咩精彩戲碼?
A組開幕戰已經好好睇:上屆世界盃冠軍德國與今屆世界盃冠軍法國在慕尼黑對決!
至於其他組別包括:
唔洗大家認國旗咁慘(笑)

一齊期待呢個全新的洲國家賽啦

除了訂閱我們的專欄,
仲可以在Facebook Like我們的專頁 — 足字室




如果喜歡我們的文章,請即分享到︰

標籤: 歐洲國家聯賽  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→