【陋室雜談 - 不負責任感性分析英超六強快車形勢】 精選

文：蘭斯貝利

先向各位室友說聲聖誕快樂！
聖誕陪完屋企人另一半後，英超即將進入一年一度緊密的賽程：
九日內踢三場波的英超快車！
對球員來說是殘酷，但球迷當然翹首以待。
其中英超六強的聯賽形勢，好像變成了三個大方向：
爭標組：
利物浦、曼城、熱刺
前四歐聯／歐霸冠軍組：
車路士、阿仙奴
後上奪＿組：
蘇斯克查
稍為觀察一下六強的賽程後，
發現利物浦在快車期面對的挑戰是六隊中最難捱，失分危機處處；
反而熱刺及曼聯則有望在聖誕快車中令球迷渡過一個快樂的除夕。
筆者就稍為預測一下！

利物浦接下來三場賽程：
主對紐卡素、主對阿仙奴、客對曼城簡評：
如要爭冠軍，對紐卡素不容有失，因為期後遇上兩隊在首循環未能贏波的球隊，
阿仙奴今季的跑動冠絕英超，利記雖有力撕破沙加領銜的防線，但體能上定必有所耗損；
作客曼城就要請教水晶宮了。
不負責任加感性分析後預計取得分數：5分 (筆者緊係想阿仙奴有分落袋啦不過...)


曼城接下來三場賽程：
客對李斯特城、客對修咸頓、主對利物浦
簡評：
對水晶宮的輸波，到底會否令曼城冷靜一下重新上路？拜訪皇權球場的表現實在關鍵。
佩爾的藍狐在上場一球作客小勝車路士，到底會否乘勝追擊？而修咸頓主場定必全力出擊，務求盡快擺脫降班危機。
對利物浦前，曼城最頭痛的是遇上的兩隊均開始上力的豬頭骨...
不負責任加感性分析後預計取得分數：5分 (李斯特城隨時有驚喜！)


熱刺接下來三場賽程：
主對般尼茅夫、主對狼隊、客對卡迪夫城
簡評：
熱刺今季其實非常穩定
全部比賽都可以定勝負
作客為各隊之冠，主場只是僅敗曼城利物浦，以致屈居第三。
快車期的賽程雖然頭兩場對前10的球隊，但均是主場出擊，
隨時成為快車期的大贏家！不負責任加感性分析後預計取得分數：9分 (真係食住花生睇利曼廝殺)

車路士接下來三場賽程：
客對屈福特、客對水晶宮、主對修咸頓
簡評：
車路士上場意外不敵李斯特城，賽後沙利話隊波心理上出現狀況，
到底會否繼續沉淪？兩場作客的確唔容易，但車路士勝在後備充盈，尚算樂觀
不負責任加感性分析後預計取得分數：7分

阿仙奴接下來三場賽程：
客對白禮頓、客對利物浦、主對富咸
筆者真係唔多睇好，如果你熟悉英國的地理，白禮頓同利物浦一南一北，
係對富咸可能有信心，體能頂唔頂到同後備不足下，今次快車期悲觀少少啦。不負責任加感性分析後預計取得分數：4分

蘇斯克查接下來三場賽程：
主對哈特斯菲、主對般尼茅夫、客對紐卡素。
簡評：
足字室其中一個室主係曼聯球迷 咁嘅快車對佢嚟講真係得啖笑
講真咁同直接宣佈曼拎9分有咩分別。
首先哈特斯菲，唔好玩啦，降班大熱，3分穩陣
般尼茅夫，上次作客已經可以逆轉反勝，今次主場無走雞
最後一隊，紐卡素上次入完兩球都被摩連奴可以熱血反勝，又3分
加上隊中坐擁馬迪爾、連加特、拉舒福特同埋計劃通普巴，都未計未上力的盧卡古同山齊士
不負責任加感性分析後預計取得分數：9分 (筆者最有信心)就係聽晚，各位球迷準備好未？

除了訂閱我們的專欄，
仲可以在Facebook Like我們的專頁 — 足字室