【臨危授命之徒S】

足字室 於 26/02/2016 發表 收藏文章
文:魚拉特

今晨曼聯5:1反勝丹超冠軍米迪蘭特,確實令一眾曼迷振奮,尤以曼聯青訓之三人,印象令人深刻。古語有云:「受任於敗軍之際,奉命於危難之間。」臨危授命之三位首發青訓,已經告訴球迷他們都是有能之人,可以為曼聯近來傷痕纍纍之一隊止止血。今天就讓大家先來認識首次上陣的兩位曼聯青訓。

1. Marcus Rashford (拉舒福特)
拉舒福特生於曼市,現年18歲,剛在2014年7月1日從Fletcher Moss Junior Football Club加盟曼聯,司職前鋒,擁有不俗既爆發力同射門技巧。唔講唔知,呢間球會孕育過既球員,有幾位我地都識,包括:Danny Welbeck, Tyler Blacket, Cameron Borthwick。今次帶俾曼聯既驚喜係拉舒福特!佢係2014 UEFA Youth League已經為曼聯入過3球波,實力有目共睹。新任曼聯青訓總監畢特就對佢有咁既評價「呢個後生仔爆發力好勁,係一個有潛力又勤力既球員」。

今晨既賽事,因馬迪爾熱身時受傷,在雲高爾既信任下,臨危受命。佢係場上既表現尤如畢特既評價,確實有不俗既爆炸力,入攝時間都掌握得不錯,造就係夢劇場攻入兩球,令曼聯從鬼門關走出來!
2. Joe Riley (祖華利)
祖華利生於黑池,現年19歲,首次為曼聯上陣為FA CUP入替傷出的Borthwick,首發上陣為上場對米迪蘭特既賽事,主要司職後衛或者中場。佢自小就係C朗既球迷,細個仲同佢影過相!係u21既賽事,都成為曼聯嬴波既功臣!
今仗表現亦相常耀眼,在邊路大膽推進,多次搏得角球,速度同靈活都不比其他邊衛前輩差!正正印證左早前訪問中的回應 "Warren says one of the positive parts of my game is my running power and he told me to get forward as much as can...” 最值得表揚係佢唔止識向前進攻,仲識快速回防,多次攔截對方的反擊,以及與連加特之配合疊瓦亦做得相當不錯!

今仗曼聯在先失一球下,無自亂陣腳,反而不斷向對方施壓,戰術奏效,令米迪蘭特之球員感到壓力,造成對方多次失誤。從數據上分析,曼聯埋門威脅達19次,比上場已有明顯改善。另外,角球更多達14次,證明邊路進攻相當積極。特別一提迪比今場確實成為全場焦點之一,在邊路多次推進成功,亦交出相當不俗之轉中,相信今仗能令佢信心增加不少。筆者總觀全場,確實嬴得有說服力,新晉球員都特顯初生之犢不畏虎之精神!



如喜歡足字室的朋友,可以訂閱足字室在Fanpiece的專欄,
仲可以在Facebook Like我們的專頁,
你們的每一個Like,也是對我們一個莫大的支持及鼓勵!

足字室Fan Page 傳送門

loading

標籤: 曼聯  青訓  

留言


請按此登錄後留言。未成為會員? 立即註冊
    快捷鍵:←
    快捷鍵:→