加歷查：淨係呢球都值3500萬啦！ 精選

今日周日既足總盃準決賽，利物浦就憑卡路爾既入波，係溫布萊大球場2:1絕殺愛華頓闖入決賽。賽後加歷查就對呢位英格蘭中鋒讚不絕口！

23歲既卡路爾自從係2011年，係紐卡素以3500萬鎊身價加盟利物浦以來，表現就一直未能達到係「喜鵲」時既水準，以至招來水貨駡名！不過最近兩場比賽佢都為利物浦攻入價值連城既致勝入球，隊友認為卡路爾已經開始逐漸展現身價咁話喎！

膠力查受訪問既時候話：「係足總盃既準決賽攻入一球關鍵既入波，肯定會俾人銘記於心！呢球都值3500萬啦！只係呢球都顯得佢（卡路爾）物有所值啦！」我就認為言之過早啦，起碼卡路爾帶領埋利記拎埋足總杯，咁加歷查講既就成立！話時話，咁你果球又值幾多錢？（抽水）



至於隊長謝拉特賽後都有野講喎：「卡路爾一直都受到批評，今日既絕殺就係我地當初買佢過來既原因，我希望佢可以大戰中攻入多幾球呢Ｄ關鍵入球，就好似今日咁！」
另外鐘斯都話以卡路爾為榮，因為佢都認為卡路爾承受左好多壓力：「其實卡路爾非常出色，媒體不斷攻擊佢，但佢都係非常努力表現自己。球隊訓練後佢都經常一個人加練，佢值得在溫布萊球場有呢個入波！」一個人加操？睇黎卡路爾真係好想有好表現，其實係場內都睇得出你好努力，希望你接住黎一直有好表現啦！
利迷，你又點睇卡路爾？