最近杜格利殊接受左天空體育既採訪，提到足總盃準決賽既賽程：「我地唔會係15號比賽，足總同歐足總一直都都好尊重同支持我們既決定，我要對佢地表示感謝。」原來利物浦足總杯八強擊敗史篤城當日，比賽結束之後英足總就隨即安排左抽籤儀式，紅軍將會係準決賽中迎愛華頓或者新特蘭，而比賽既時間竟安排左係下個月既14日同15日！
原來23年前既4月15日，一場足總盃準決賽係錫菲特希爾斯堡體育場進行，由利物浦對陣諾丁咸森林，由於球場結構同組織秩序等問題，令到非常多既球迷擁入同一看台上，造成人群踐踏慘劇。正正因為呢次慘劇既發生，隨後英足總決定英國所有既足球場改建成全座位球場，拆除看台同球場之間既鐵絲網。
希斯堡球場的紀念碑，希爾斯堡慘劇造成96人喪生，200多人受傷。
「自從果次慘劇發生之後我地從來都無係15日進行過比賽，今年都一樣，我地唔會改變呢個傳統！」 杜格利殊提到。
（完）
請按此登錄後留言。未成為會員? 立即註冊