官方正式確認史雲斯領隊羅渣士成為利物浦新帥!

利物浦 - Liverpool 於 01/06/2012 發表 收藏文章
利物浦係球季結束之後,一直著手尋找新主帥,保亞斯,馬天尼斯,卡比路等都被傳成為利物浦新帥。不過就係半小時前,利物浦官方正式確認呢位史雲斯領隊羅渣士最終成為利物浦既新帥!


其實早一兩日多家媒體已經爆出羅渣士會成為利物浦新帥,但筆者認為應該透過官方證實先可以話俾大家聽,以免空歡喜一場!其實今季羅渣士帶領既史雲斯在英超有非常不俗既表現,佢執教史雲斯既首個球季就帶領球隊打入英冠升班附加賽,而且更歷史性升上英超,更在首個英超球季以47分穩守11位,呢於呢隊升班馬,咁既成績絕對係超額完成,遠超過球迷同球會既預期,更顯出羅渣士既執教能力!正正因為咁,羅渣士受到利物浦班主既認可,最終成為紅軍既新帥!

據悉,利物浦同羅渣士簽約三年,合約期到2015年夏天,但利物浦需要向史雲斯支付約五百萬鎊的解約金。在此希望羅渣士執教既紅軍將會重回正軌啦!

留言


請按此登錄後留言。未成為會員? 立即註冊
    快捷鍵:←
    快捷鍵:→