【年經】10個同球星撞樣嘅女人精選

由球．不著地於 11/10/2016 發表收藏文章

正所謂人有相似，世界之大，要搵一個同你撞樣嘅「其實唔難」，只係無人識你，無人知佢隔離個位原來同你咁似樣。球星就唔同，個個都識，所以只要google下，就會搵到同球星轉樣嘅人。男人同男人撞樣就唔出奇，但如果男人同女人撞樣，查實都幾過癮，以下呢10球星就真係搵到佢哋嘅「另一半」：

1. 山齊士
山齊士係阿仙奴嘅頭幾位球星，但從來都無聽過有人讚佢靚仔，不過估唔到原來山齊士嘅女人版其實幾唔錯。呢位女士同山齊士5官真係好似，笑起上嚟對眼真係倒模一樣。

按此觀看圖片

2. 費蘭度托利斯
相比起山齊士，「王子」費蘭度托利斯就真係靚仔得多，但女版就恰恰相反，成個男人咁，真係唔望落少少都唔知呢個係女人嚟，仲要剷青，咁Rock，筆者我都係睇返「王子」算！

按此觀看圖片

3. 馬勒當拿
筆者我睇到呢個張相，真係當堂嚇咗一跳，然後得啖笑！適逄就嚟哈囉喂，左邊張相望完真係唔使去海洋公園，但話時話，右邊個師奶真係馬勒當拿嚟？咁似我隔離屋阿黃太嘅？

按此觀看圖片

4. 尼馬
與其話呢個係尼馬嘅女版，我更相信呢個係尼馬笠個假髮扮嘅！有乜可能似到咁先？不過話時話，大家覺唔覺尼馬由出道到依家，確實係靚仔咗好多。

按此觀看圖片

5. 奧斯爾
唔好誤會，呢個唔係奧斯爾家姐或者阿妹，佢哋兩個真係無關係嘅，但係佢哋對眼都係一樣咁突，個鼻又真係一樣咁高，係個咀爭啲，整體嚟講都8成似，最正嘅係佢哋真係一齊影咗呢張相。

按此觀看圖片

6. 美斯
除咗張家輝似美斯，呢個女人同美斯都有幾分相似，唔知佢男朋友／老公中唔中意睇波呢？如果中意，有個「美斯」陪睇波真係幾過癮！

按此觀看圖片

7. C朗拿度
有美斯又點可以無C朗！不過筆者覺得呢個其實唔算十分似，聽聞呢位女士係女同志，唔知佢係唔係好中意C朗，個頭都跟足C朗style。